ناسک ، یکم اپریل (ہ س) ناسک عصمت دری معاملے میں بدھ کو ملزم اشوک کھرات کو ضلع عدالت نے 14 دن کی عدالتی تحویل میں بھیجنے کا حکم دیا ہے، جبکہ اس معاملے کی گہرائی سے تحقیقات خصوصی تحقیقاتی ٹیم (ایس آئی ٹی) کی جانب سے کی جا رہی ہیں۔

سرکاری وکیل شیلندر باگڑے کے مطابق ملزم کو آج ناسک ضلع عدالت میں پیش کیا گیا، جہاں استغاثہ کی جانب سے 14 دن کی تحویل کی درخواست کی گئی تھی، جسے عدالت نے منظور کرتے ہوئے ملزم کو عدالتی تحویل میں بھیج دیا۔ انہوں نے بتایا کہ ملزم کے خلاف عصمت دری کے کل نو مقدمات درج ہیں، جن میں سے آج پہلے مقدمے میں اسے 14 دن کی عدالتی تحویل دی گئی ہے۔ انہوں نے مزید کہا کہ جمعرات کو ملزم کو دوسرے مقدمے میں عدالت کے روبرو پیش کیا جائے گا، جہاں پولیس تحویل کی درخواست دائر کی جائے گی۔

پولیس کے مطابق ناسک کے سرکار واڑہ پولیس اسٹیشن میں اشوک کھرات کے خلاف پہلا مقدمہ 17 مارچ 2026 کو درج کیا گیا تھا، جس کے بعد اسے 18 مارچ 2026 کو گرفتار کیا گیا اور تب سے وہ پولیس تحویل میں تھا۔ آج اس کی پولیس تحویل مکمل ہونے پر اسے عدالت میں پیش کیا گیا، جہاں سے اسے عدالتی تحویل میں بھیج دیا گیا۔

ہندوستھان سماچار

--------------------

ہندوستان سماچار / جاوید این اے