کٹھمنڈو، 5 مارچ (ہ س)۔ نیپال کی عبوری وزیر اعظم سشیلا کارکی نے ایوان نمائندگان کے انتخابات میں اپنا ووٹ ڈالا۔ کارکی نے کٹھمنڈو کے حلقہ 5 کے دھاپاسی میں واقع دھاپاسی لوئر سیکنڈری اسکول فیمالچولی پولنگ اسٹیشن پر اپنا ووٹ ڈالا۔

اپنا ووٹ ڈالنے کے بعد ،وزیر اعظم کارکی نے ملک بھر کے ووٹروں سے اپنے حق رائے دہی کا استعمال کرنے کی اپیل کی۔ انہوں نے کہا کہ عوام کا ووٹ جمہوریت میں سب سے بڑی طاقت ہوتا ہے اور ہر شہری کو انتخابات میں حصہ لے کر اپنے حق استعمال کرنا چاہیے۔ وزیراعظم نے اس بات پر زور دیا کہ ہر ووٹر کا ووٹ ملک کے مستقبل کے تعین میں اہم کردار ادا کرتا ہے۔ اس لیے انہوں نے تمام شہریوں پر زور دیا کہ وہ بلا خوف و خطر پولنگ اسٹیشن جائیں اور اپنی پسند کے امیدوار کا انتخاب کریں۔

انہوں نے یہ بھی کہا کہ جمہوری نظام کی مضبوطی کے لیے فعال عوامی شرکت ضروری ہے۔ زیادہ پولنگ ہونے سے حکومت کو وسیع پیمانے پر عوامی حمایت اور قانونی حیثیت ملتیہے، جس سے ملک میں مستحکم اور جوابدہ حکمرانی قائم کرنے میں مدد ملتی ہے۔

نیپال میں اس الیکشن کو حالیہ سیاسی پیش رفت اور نوجوانوں کی سرگرمی کے پیش نظر اہم سمجھا جا رہا ہے۔ وزیراعظم نے امید ظاہر کی کہ شہری پرامن اور پرجوش طریقے سے ووٹنگ کے عمل میں حصہ لیں گے جس سے جمہوریت مزید مضبوط ہوگی۔

ہندوستھا ن سماچار

ہندوستان سماچار / محمد شہزاد