ہندوستانی جدوجہد آزادی کی تاریخ میں سال 1931 ایک اہم موڑ لے کر آیا، جب مہاتما گاندھی اور اس وقت کے وائسرائے لارڈ اِرون کے درمیان ہوئے گاندھی ارون معاہدے کے بعد سول نافرمانی کی تحریک کو ختم کر دیا گیا۔ یہ تحریک 1930 میں نمک ستیہ گرہ سے شروع ہوئی تھی، جس نے برطانوی حکومت کی پالیسیوں کے خلاف ملک گیر عوامی تحریک کی شکل اختیار کر لی۔ معاہدے کے تحت برطانوی حکومت نے کئی سیاسی قیدیوں کو رہا کرنے اور پرامن طریقے سے نمک بنانے کی اجازت دینے جیسی یقین دہانیاں کرائیں۔ اس کے عوض گاندھی جی نے تحریک ملتوی کرنے اور لندن میں ہونے والی گول میز کانفرنس میں شرکت کرنے پر اتفاق کیا۔

اس معاہدے کو تحریک آزادی کی سمت میں ایک اہم سفارتی قدم مانا گیا۔ اگرچہ تمام فریق اس سے مکمل طور پر مطمئن نہیں تھے، پھر بھی اس نے برطانوی حکومت اور ہندوستانی قومی قیادت کے درمیان بات چیت کی راہ کھولی۔

دیگر اہم واقعات:

1046 - ناصر خسرو نے اپنے مشرق وسطیٰ کے سفر کا آغاز کیا اور چھ سال کی اس یاترا کے بعد انہوں نے ’سفرنامہ‘ کی تخلیق کی، جسے آج بھی فارسی زبان کے بہترین شاہکاروں میں شمار کیا جاتا ہے۔

1699 - مہاراجہ جے سنگھ دوم امبر کے تخت پر بیٹھے۔

1783 - جیولوجیکل سروے آف انڈیا کا قیام۔

1953 - سوویت یونین کے معروف لیڈر جوزف اسٹالن کے انتقال کی افواہ پوری دنیا میں پھیل گئی۔ ایک دن بعد ان کی موت کی تصدیق کی گئی۔

1968 - مارٹن لوتھر کنگ کا قتل۔

1966 - جاپان کے ماونٹ فوجی میں برٹش اوورسیز ایئرویز کارپوریشن کا ایک بوئنگ 707 طیارہ حادثہ کا شکار ہو گیا، جس میں سوار 124 لوگوں کی موت ہو گئی۔

1970 - ایٹمی عدم پھیلاؤ (این پی ٹی) کے معاہدے کو نافذ کیا گیا۔ 24 نومبر 1969 کو اس معاہدے پر دستخط کیے گئے تھے اور اسے 45 ممالک نے منظور کیا تھا۔

1983 - آسٹریلیا میں لیبر پارٹی کے رہنما باب ہاک وزیر اعظم بنے۔

1987 - ایکواڈور میں ایک کے بعد ایک کئی زلزلوں سے پورے ملک میں بھاری تباہی مچی۔ سڑکیں اور پل ٹوٹ گئے، تیل کی اہم پائپ لائن پھٹ گئی اور مٹی کے تودے گرنے سے گاوں کے گاوں بہہ گئے۔ تقریباً 2000 لوگوں کے مرنے کا خدشہ ظاہر کیا گیا اور 75,000 سے زیادہ زخمی ہوئے۔

1997 - ہندوستان اور تیرہ دیگر ممالک نے انڈین اوشن رم ایسوسی ایشن کی تشکیل کا اعلان کیا۔

1998 - سری لنکا کے دارالحکومت کولمبو میں بم دھماکے میں تقریباً 32 لوگوں کی موت اور 300 سے زیادہ زخمی ہوئے۔ حملے میں لبریشن ٹائیگرز آف تامل ایلم کا ہاتھ ہونے کا خدشہ ظاہر کیا گیا۔

1999 - آزاد ممالک کی دولت مشترکہ کے ایگزیکٹو سکریٹری بورس بیرنووسکی کی برطرفی۔ فلمی اداکار سنیل دت نے کولمبو سے اپنے 17 رکنی وفد کے ساتھ جنوبی ایشیا کے 13 ہزار کلومیٹر طویل خیر سگالی سفر کا آغاز کیا۔

2001 - کولمبیا کے صدر پرترانا چار روزہ دورے پر ہندوستان آئے۔ مکہ میں عید کے دوران بھگدڑ میں 36 زائرین ہلاک ہوئے۔

2002 - دولت مشترکہ سربراہی اجلاس اختتام پذیر ہوا۔

2006 - پاکستان میں القاعدہ اور سیکورٹی فورسز کے درمیان تصادم میں 100 لوگ مارے گئے۔

2007 - ارجنٹینا نے ہندوستان کی جانب سے عدالتی کارروائی کے لیے کواٹروچی کی حوالگی کی دستاویزات قبول کیں۔

2008 - ہندوستان نے سمندر سے زمین پر حملہ کرنے والے ’براہموس‘ میزائل کا کامیاب تجربہ کیا۔

2009 - ہندوستانی صنعت کار وجے مالیا نے 18 لاکھ روپے میں باپو کی وراثت کو خریدا۔

2009 - افکو (انڈین فارمرز فرٹیلائزر کوآپریٹو لمیٹڈ) ایک کروڑ ٹن کھاد کی سالانہ فروخت کرنے والی دنیا کی پہلی کمپنی بنی۔

2009 - بزنس میگزین فوربس نے 48 فیاض شخصیتوں کی فہرست میں ٹیلی کام کنگ سنیل متل اور غیر مقیم تاجر انل اگروال سمیت چار ہندوستانیوں کے نام شامل کیے۔

2010 - اسرو کے ذریعے تیار کردہ تین ٹن وزنی ساونڈنگ راکٹ کا آندھرا پردیش کے سری ہری کوٹا خلائی مرکز سے کامیاب تجربہ۔

2018 - ’دی شیپ آف واٹر‘ نے 90 ویں اکیڈمی ایوارڈز میں بہترین فلم اور بہترین ہدایت کار سمیت چار آسکر جیتے۔

ہندوستھان سماچار

---------------

ہندوستان سماچار / انظر حسن