بالی ووڈ اداکار سنجے دت کی انتہائی متوقع فلم ”آخری سوال“ کا نیا پوسٹر ریلیز ہوتے ہی سرخیوں میں آگیا ہے۔ فلم کی پہلی جھلک کے بعد، اس پوسٹر نے اپنے طاقتور بصری اور سنجیدہ موضوع کے ساتھ سامعین کے تجسس کو مزید بڑھا دیا ہے۔
پوسٹر میں سنجے دت کا سنجیدہ چہرہ ایک بڑے سوالیہ نشان سے گھرا ہوا ہے، جو فلم کے گہرے اور فکر انگیز موضوعات کی طرف اشارہ کرتا ہے۔ فلم کی ریلیز کی تاریخ 15 مئی 2026 کا بھی باضابطہ اعلان کر دیا گیا ہے۔
پوسٹر کی ٹیگ لائن، وہ سوالات بھارت نے کبھی پوچھنا بند نہیں کیا، فلم کے تھیم کو مزید تقویت دیتا ہے۔ 'آخری سوال' ہندوستان کی سب سے بڑی تنظیم، راشٹریہ سویم سیوک سنگھ کے 100 سالہ سفر کو بڑے پردے پر دکھائے گا۔ اس تنظیم کی بنیاد 1925 میں کیشو بلیرام ہیڈگیوار نے رکھی تھی۔ فلم میں ایک تاریخی میٹنگ کو بھی دکھایا جائے گا جس نے ملک کے مستقبل کو تشکیل دیا۔ اس فلم میں امت سدھ، نماشی چکرورتی، سمیرا ریڈی، تریدھا چودھری، اور نیتو چندرا کی نمایاں کرداروں میں ایک متاثر کن اسٹار کاسٹ بھی شامل ہے۔
اس فلم کی ہدایت کاری نیشنل ایوارڈ یافتہ فلم ساز ابھیجیت موہن وارنگ نے کی ہے، جنھیں مراٹھی فلم پکاسو کے لیے 67 ویں نیشنل فلم ایوارڈز میں خصوصی تذکرہ ملا۔ آخری سوال کو نیم ٹری انٹرٹینمنٹ اور نکھل نندا موشن پکچرز کے بینرز تلے تیار کیا گیا ہے۔ فلم کو نکھل نندا اور سنجے دت نے پروڈیوس کیا ہے۔
ایک گہرے اور اچھوتے موضوع پر مبنی یہ فلم سامعین کو تاریخ کے ان پہلوو¿ں سے متعارف کرانے کا وعدہ کرتی ہے جن پر شاذ و نادر ہی بات ہوئی ہے۔ یہ دیکھنا دلچسپ ہوگا کہ فلم ریلیز کے بعد ناظرین کی توقعات پر کتنی اچھی طرح سے پورا اترتی ہے۔
---------------
ہندوستان سماچار / عبدالسلام صدیقی
