سارن، 23 مارچ (ہ س)۔ بہار کے گورنر اور چانسلر، ریٹائرڈ لیفٹیننٹ جنرل سید عطا حسنین نے پیر کے روز جئے پرکاش یونیورسٹی میں آل انڈیا پریشدکا70ویں قومی کانفرنس کا افتتاح اور خطاب کیا ۔

پولیس فورس نے گورنر اور چانسلر کو گارڈ آف آنر پیش کیا، جس کے بعد انہوں نے لوک نائک جئے پرکاش نارائن کے مجسمے پر گلپوشی کر کے خراج عقیدت پیش کیا ۔ چانسلر نے یونیورسٹی کیمپس میں دو نو تعمیر شدہ گرلس ہاسٹل اور ایک سینٹر لائبریری کا افتتاح کیا۔

کانفرنس سے خطاب کرتے ہوئے ریٹائرڈ لیفٹیننٹ جنرل سید عطاحسین نے کہا کہ قومی سلامتی کا مطلب صرف ہماری سرحدوں کی حفاظت نہیں ہوتی بلکہ ہماری ثقافت، افکار اور اقدار کی بھی حفاظت ہوتی ہے۔ چانسلر نے کنونشن میں موجود فلسفیوں اور محققین کو دانشور جنگجو قرار دیا۔

انہوں نے کہا کہ قومی سلامتی اسی وقت مکمل ہوتی ہے جب ہم اپنی سرحدوں کے ساتھ ساتھ اپنی ثقافت اور اقدار کی بھی حفاظت کریں۔ سارن کی شاندار تاریخ کو یاد کرتے ہوئے گورنر نے کہا کہ یہ سرزمین فکر اور نظریاتی انقلاب کا مرکز رہی ہے۔

ملک کے پہلے صدر ڈاکٹر راجندر پرساد، لوک شاعر جے پرکاش نارائن، لوک شاعر بھیکھاری ٹھاکر اور مہندر مشرا جیسی شخصیات کا تذکرہ کیا۔ انہوں نے کہا کہ ان عظیم انسانوں نے نہ صرف بہار کو بلکہ پورے ملک کو نئی توانائی اور اقدار دی ہیں۔ جے پی کے مکمل انقلاب پر بحث کرتے ہوئےانہوں نے کہا کہ یہ صرف ایک سیاسی تبدیلی نہیں ہے، بلکہ اخلاقی اور انسانی تبدیلی کا مطالبہ ہے، جو آج بھی ضروری ہے۔

یونیورسٹی کے وائس چانسلر پروفیسر پرمیندر کمار باجپائی نےگورنر کا خیرمقدم کیا اور ادارے کی ترقی کی رپورٹ پیش کی۔ انہوں نے یقین دلایا کہ یونیورسٹی جے پی کے خوابوں اور خواہشات کو پورا کرنے کے لئے مسلسل کوشاں ہے۔ اس موقع پر ضلع مجسٹریٹ ویبھاو سریواستو، سینئر سپرنٹنڈنٹ آف پولیس ونیت کمار اور کئی انتظامی افسران اور ماہرین تعلیم موجود تھے۔

ہندوستھان سماچار

ہندوستان سماچار / Mohammad Afzal Hassan