گوہاٹی، 23 مارچ (ہ س)۔ بی جے پی کی خاتون رہنما اور آسام حکومت میں کابینہ کی وزیر اور ہافلونگ سے موجودہ ایم ایل اے نندیتا گارلوسا نے کل رات انڈین نیشنل کانگریس میں شمولیت اختیار کرلی۔ ان کی پارٹی میں شمولیت کی تقریب ہافلونگ کے لیے کانگریس کے امیدوار نرمل لانگتھاسا اور آسام پردیش کانگریس کمیٹی (اے پی سی سی) کے جنرل سکریٹری کی موجودگی میں ہوئی۔ توقع ہے کہ نندیتا آج ہافلانگ سے کانگریس کے ٹکٹ پر اپنا پرچہ نامزدگی داخل کریں گی۔

نندیتا گارلوسا نے قدم اس وقت اٹھایا جب بی جے پی نے انہیں اس بار میدان میں نہ اتارنے کا فیصلہ کیا اور ان کی جگہ ایک نئے چہرے روپالی لانگتھاسا کوامیدوار بنایا۔ ان کی شمولیت کے ساتھ، امید ہے کہ گارلوسا نرمل لانگتھاسا سے امیدواری اپنے ہاتھ میں لے لیں گی۔

بی جے پی کی امیدواروں کی فہرست سے گارلوسا کی غیر موجودگی کافی بحث کا موضوع رہی ہے، خاص طور پر اس وجہ سے کہ وہ آسام کی موجودہ کابینہ میں وزارتی عہدے پر فائز ہیں۔ اس سال کئی موجودہ ایم ایل اے کو ٹکٹ نہیں دیئے گئے ، جیسا کہ وزیر اعلی نے تصدیق کی ہے۔ انہوں نے کہا کہ پارٹی نے انتخابی لائن اپ میں نئے چہروں کو موقع دیا ہے۔

کانگریس نے گارلوسا کی شمولیت کو ہافلونگ میں پارٹی کے لیے ایک بڑا فروغ اور انتخابات سے قبل اس کے امکانات کو مضبوط کرنے والا ایک اقدام قرار دیا ہے۔

اسی دوران آسام بی جے پی کے صدر اور ایم پی دلیپ سیکیا نے نندیتا کے بیان پر تبصرہ کرتے ہوئے کہا کہ اگر نندیتا گارلوسا پارٹی نہیں چھوڑتی تو یہ ان کا مضبوط فیصلہ ہوتا۔ اگر وہ بی جے پی چھوڑ کر گئی ہیں تو یہ ان کا ذاتی فیصلہ ہے۔پارٹی ٹکٹ نہ ملنے کی وجہ سے بی جے پی کے کئی لیڈروں نے استعفیٰ دے دیا ہے۔

ہندوستھان سماچار

ہندوستان سماچار / محمد شہزاد