پٹنہ، 21 مارچ (ہ س) ۔وزیر اعلیٰ نتیش کمار نے عیدالفطر کے موقع پر خانقاہ مجیبیہ پھلواری شریف کا دورہ کیا اور اس کے سجادہ نشین حضرت سید شاہ آیت اللہ قادری سے ملاقات کی اور ان سے عید کی مبارکباد اور نیک خواہشات کا اظہار کیا۔اس کے بعد وزیر اعلیٰ نے پٹنہ سٹی کےمتن گھاٹ واقع خانقاہِ منعمیہ کا دورہ کیا اور اس کے سجادہ نشین حضرت سید شاہ شمیم الدین احمد منعمی کے ساتھ مل کر ریاست کے لیے امن، ترقی اور خوشحالی کے لیے دعا کی۔ انہوں نے وہاں موجود لوگوں کو عید کی مبارکباد اور نیک خواہشات بھی پیش کیں۔وزیر اعلیٰ نے اس کے بعد تکیہ شریف، متن گھاٹ، پٹنہ سٹی واقع خانقاہ بارگاہ عشق کا دورہ کیا اور اس کے سجادہ نشین سید شاہ خواجہ عامر شاہد اور دیگر کو سلام اور نیک تمناؤں کا اظہار کیا۔دیہی تعمیرات کے وزیر اشوک چودھری، جے ڈی یو کے قومی ایگزیکٹیو صدر اور راجیہ سبھا ممبر پارلیمنٹ سنجے کمار جھا، ایم ایل اے شیام رجک، قانون ساز کونسلر سنجے کمار سنگھ عرف گاندھی جی، ضلع مجسٹریٹ ڈاکٹر تیاگراجن ایس ایم، سینئر سپرنٹنڈنٹ آف پولیس کارتکیہ کے شرما موجود تھے۔

ہندوستھان سماچار

ہندوستان سماچار / Mohammad Afzal Hassan