جموں، 20 مارچ (ہ س)۔ جموں و کشمیر کے محکمہ سیاحت کی جانب سے خطے کی سیاحتی صلاحیت کو اُجاگر کرنے کے لیے رواں سال اپریل میں کشمیر ٹریول مارٹ 2026 منعقد کرنے کا اعلان کیا گیا ہے۔ وزیر اعلیٰ جموں و کشمیر، عمر عبداللہ نے اپنے سرکاری ایکس ہینڈل پر جاری بیان میں کہا کہ یہ ایونٹ 14 اور 15 اپریل کو منعقد ہوگا، جس میں ملک بھر کی 20 سے زائد ریاستوں سے تقریباً 250 اسٹیک ہولڈرز شرکت کریں گے۔انہوں نے بتایا کہ اس ایونٹ کے دوران کرافٹ سفاریز، منتخب سیاحتی مقامات کے خصوصی دورے اور بی ٹو بی روابط کے ذریعے کشمیر کی ثقافت، تاریخی ورثے اور مہمان نوازی کو بھرپور انداز میں پیش کیا جائے گا۔

انہوں نے مزید کہا کہ یہ ایک اہم اقدام ہے جس کا مقصد سیاحت سے متعلق روابط کو مضبوط بنانا اور کشمیر کو عالمی سطح پر ایک نمایاں سیاحتی مرکز کے طور پر مزید فروغ دینا ہے۔

ہندوستھان سماچار

---------------

ہندوستان سماچار / محمد اصغر