اداکار سلمان خان کی انتہائی متوقع فلم ماتروبھومی (سابقہ بیٹل آف گلوان) اس عید پر شاید سینما گھروں میں ریلیز نہ ہو، لیکن انہوں نے اپنے مداحوں کو ایک خاص دعوت دی ہے۔ فلم کا رومانوی گانا ’چاند دیکھ لینا‘ ریلیز کر دیا گیا ہے اور اس نے شائقین کی توجہ حاصل کر لی ہے۔

رومانس اور جذبات سے بھرا یہ گانا، عید کے خاص موقع پر ریلیز کیا گیا،یہ گانا محبت کی اٹل طاقت کا جشن مناتا ہے۔ اس گانے میں چترانگدا سنگھ بھی دکھائی دے رہی ہیں، اور ان کی کیمسٹری سامعین کے ساتھ گونج رہی ہے۔ یہ منظر سلمان کے پرانے ہٹ گانے جلتے دیا کی یاد تازہ کر رہے ہیں۔

گانے کی موسیقی ہمیش ریشمیا نے دی ہے، جب کہ گانے کے بول سمیر انجان نے لکھے ہیں۔ اسے نہال ٹورو اور انکونا مکھرجی نے گایا ہے۔ گانے کو شیئر کرتے ہوئے سلمان نے لکھا، ”آج آسمان میں چاند دیکھنے کو نہیں ملا، کوئی بات نہیں… ماتروبھومی کا چاند دیکھو… مے وار ریسٹ ان پیس“۔

بتایا جا رہا ہے کہ فلم 'ماتروبھومی' اگست 2026 تک سینما گھروں میں ریلیز ہو سکتی ہے، فی الحال اس گانے نے فلم کو لے کر شائقین میں جوش مزید بڑھا دیا ہے۔

---------------

ہندوستان سماچار / عبدالسلام صدیقی