نئی دہلی، 17 مارچ (ہ س)۔ ٹاٹا کی قیادت والی ایئر لائنز ایئر انڈیا اور ایئر انڈیا ایکسپریس منگل کو مغربی ایشیا کے خطے سے آنے جانے کے لیے 44 طے شدہ اور غیر طے شدہ پروازیں چلائیں گی۔

ایکس پوسٹ پر جاری کردہ ایک بیان میں، ایئر لائن نے کہا کہ ایئر انڈیا اور ایئر انڈیا ایکسپریس مشترکہ طور پر 17 مارچ 2026 کو مغربی ایشیا کے خطے سے آنے جانے والی 44 شیڈول اور نان شیڈول پروازیں چلائیں گے۔ کمپنی کے مطابق، ایئر انڈیا ایکسپریس اور ایئر انڈیا مسقط اور جدہ سمیت مغربی ایشیا سے آنے اور جانے کے لیے کل 44 پروازیں چلائیں گے۔

دریں اثنا، دبئی انٹرنیشنل ایئرپورٹ نے مغربی ایشیا میں جاری کشیدگی کے درمیان بین الاقوامی پروازوں کو عارضی طور پر معطل کر دیا تھا جسے مختصر وقفے کے بعد ہی کھول دیا گیا۔ بندش کے اس وقفے کے دوران، ایئر انڈیا گروپ، انڈیگو اور اسپائس نے دبئی کے لیے اپنی پروازیں عارضی طور پر معطل کر دی تھیں۔

---------------

ہندوستان سماچار / محمد شہزاد