لکھنؤ، 28 فروری (ہ س)۔ اتر پردیش کی راجدھانی لکھنو¿ کے شہر اور دیہی علاقوں میں 3,729 ہولیکا دہن منعقد ہوں گے۔ تہوار کے پرامن انعقاد کو یقینی بنانے کے لیے شہر اور دیہی علاقوں میں پولیس کے خاطر خواہ انتظامات کیے گئے ہیں۔

پولیس کے جوائنٹ کمشنر، لاء اینڈ آرڈر، ببلو کمار نے ہفتے کے روز کہا کہ لکھنؤ پولیس نے ہولیکا دہن اور ہولی کے تہوار کے لیے وسیع حفاظتی اور ٹریفک انتظامات کو نافذ کیا ہے۔ تمام نامزد ہولیکا مقامات پر پولیس فورس کو تعینات کیا گیا ہے۔

انہوں نے کہا کہ ہولیکا دہن 2 مارچ کو کیا جائے گا۔ 3 اور 4 مارچ کو رنگ کھیلا جائے گا۔ کچھ مقامات پر رنگ ڈالنے اور ہولی ملن پروگرام ہولی کے بعد بھی منعقد کئے جاتے ہیں۔ ہولی کے موقع پر منعقد ہونے والے ہولی ملن پروگراموں اور میلوں کے دوران امن و امان برقرار رکھنے کے لیے پولیس کے وسیع تر انتظامات کیے گئے ہیں۔

ہولی کے تہوار کے موقع پر کمشنریٹ لکھنؤ میں کل 3729 ہولیکا مقامات کی نشاندہی کرتے ہوئے پولیس کے وسیع تر انتظامات کئے گئے ہیں۔ اس دوران چار ایڈیشنل ڈپٹی کمشنر آف پولیس (اے ڈی سی پی)، 12 اسسٹنٹ کمشنر آف پولیس (اے سی پی)، 19 انسپکٹرز، 72 سب انسپکٹرز، 400 ہیڈ کانسٹیبل اور کانسٹیبل تعینات کیے گئے ہیں۔ ٹریفک کے انتظام کے لیے 22 انسپکٹرز، 75 سب انسپکٹر، 80 ہوم گارڈز، 660 ہیڈ کانسٹیبل اور کانسٹیبل تعینات کیے گئے ہیں۔ اس کے علاوہ پی اے سی اور ایل آئی یو کی 14 کمپنیاں ڈیوٹی پر تعینات کی گئی ہیں۔

ببلو کمار نے کہا کہ تمام پولیس، انتظامی اور سیکورٹی یونٹس کی مشترکہ بریفنگ منعقد کر کے ڈیوٹی پوائنٹس، روٹ پلاننگ اور وی وی آئی پی پروٹوکول کے بارے میں معلومات دی گئیں۔ سیکورٹی کے نظام کو ناقابل تسخیر بنانے کے لیے روٹ ریہرسل اور کراؤڈ مینجمنٹ کے لیے سخت موک ڈرل کا انعقاد کیا گیا۔ سی سی ٹی وی کیمروں کے ذریعے پورے علاقے کی 24 گھنٹے نگرانی کی جا رہی ہے، جسے خصوصی کنٹرول روم سے کنٹرول کیا جائے گا۔ پولیس سوشل میڈیا کے ذریعے 24 گھنٹےمحتاط نظر رکھے گی۔ تقریب گاہوں کی طرف جانے والے راستوں پر خصوصی ٹریفک پلان نافذ کیا گیا ہے۔ عوام کی سہولت کے لیے الگ سے ٹریفک ایڈوائزری جاری کی جا رہی ہے۔

پولیس کے جوائنٹ کمشنر نے کہا کہ لکھنؤ پولیس ہولی کی مختلف تقریبات کے محفوظ، منظم اور باوقار انعقاد کو یقینی بنانے کے لیے پوری طرح پرعزم ہے۔ تمام پولیس اہلکاروں کوعملی اور حساس رابطے کی تربیت دی گئی ہے۔ عوام سے گزارش ہے کہ حفاظتی انتظامات میں تعاون کریں اور پولیس کی جانب سے وقتاً فوقتاً جاری کردہ ٹریفک ڈائیورژن پر عمل کریں۔

ہندوستھا ن سماچار

ہندوستان سماچار / محمد شہزاد