ریاسی میں عدالت نے دو ملزمان کو سماجی خدمت کی سزا سنائی
جموں، 27 فروری (ہ س)۔ ضلع پولیس ریاسی نے بی این ایس کی دفعہ 355 کے تحت دو علیحدہ استغاثے سب جج کٹرا کی عدالت میں پیش کیے، جن پر عدالت نے دونوں ملزمان کو سماجی خدمت کی سزا سنائی۔ پہلا استغاثہ پرکاش سنگھ ولد کالی داس سکنہ بدھوتہ وارڈ نمبر 06، تحصیل پنچاری ضلع ادھمپور کے خلاف دائر کیا گیا۔ عدالت نے اسے پی ایچ سی بن گنگا میں دو دن سماجی خدمت انجام دینے کا حکم دیا۔
دوسرا استغاثہ سنجیو سنگھ ولد فتح سنگھ سکنہ بخشی نگر ضلع جموں کے خلاف پیش کیا گیا، جس پر عدالت نے اسی مقام پر دو دن کی سماجی خدمت کی سزا سنائی۔
یہ کارروائی ایس ایچ او پولیس اسٹیشن کٹرا انسپکٹر رنجیت سنگھ راؤ نے انجام دی، جبکہ ایس ڈی پی او کٹرا ڈاکٹر بھشم دوبے اور ایس پی کٹرا وپن چندرن کی نگرانی میں قانونی عمل مکمل کیا گیا۔
سینئر سپرنٹنڈنٹ آف پولیس ریاسی پرمویر سنگھ نے کہا کہ ضلع میں امن و امان کے قیام اور قانون کی عملداری کو یقینی بنانے کے لیے خلاف ورزی کرنے والوں کے خلاف سخت کارروائی جاری رہے گی۔
ہندوستھان سماچار
--------------
ہندوستان سماچار / محمد اصغر
