جموں, 27 فروری (ہ س)جموں و کشمیر کے وزیر اعلیٰ عمر عبداللہ رنجی ٹرافی کے فائنل میں جموں و کشمیر کرکٹ ٹیم کی حوصلہ افزائی کے لیے ہبلی کرناٹک روانہ ہو گئے۔وزیر اعلی نے پرواز سے ایک تصویر شیئر کرتے ہوئے ٹیم کی شاندار کارکردگی پر فخر کا اظہار کیا۔ انہوں نے کہا کہ فائنل تک رسائی حاصل کر کے ٹیم نے جموں و کشمیر کے لاکھوں لوگوں کا سر فخر سے بلند کر دیا ہے۔وزیر اعلیٰ عمر عبداللہ نے کہا کہ وہ اس تاریخی موقع پر اسٹیڈیم میں موجود رہ کر ٹیم کی حمایت کرنے کے منتظر ہیں۔ انہوں نے اس مرحلے کو جموں و کشمیر کی کرکٹ تاریخ کا ایک یادگار لمحہ قرار دیا۔
واضح رہے کہ جموں و کشمیر ٹیم کی رنجی ٹرافی کے فائنل میں رسائی کے بعد پورے یونین ٹیریٹری میں خوشی اور جوش و خروش کی لہر دوڑ گئی ہے۔ شائقین کرکٹ اس کامیابی کو خطے کی کھیل تاریخ کا ایک سنگ میل قرار دے رہے ہیں۔وہیں رنجی ٹرافی کا فائنل آخری روز تک پہنچ گیا ہے ۔جہاں جموں و کشمیر نے حریف ٹیم پر بھاری سبقت حاصل کر لی ہے اور تاریخی جیت کو یقینی بنا لیا ہے ۔
ہندوستھان سماچار
---------------
ہندوستان سماچار / محمد اصغر
