گنگٹوک، 26 فروری (ہ س)۔

سکم میں جمعرات کی صبح زلزلے کے شدید جھٹکے محسوس کیے گئے۔ زلزلے کا مرکز گیزنگ، ویسٹ سکم میں تھا اور ریکٹر اسکیل پر اس کی شدت 4.6 ریکارڈ کی گئی۔

نیشنل سینٹر فار سیسمولوجی (این سی ایس) کے مطابق جمعرات کی صبح 11:34 بجے زلزلے کے جھٹکے محسوس کیے گئے۔ زلزلے کا مرکز مغربی سکم کے ضلع گیزنگ میں تھا، جو زمین سے تقریباً 10 کلومیٹر نیچے تھا۔ ریکٹر اسکیل پر اس کی شدت 4.6 ریکارڈ کی گئی۔

اس خبر کے لکھے جانے تک زلزلے سے کسی جانی و مالی نقصان کی اطلاع نہیں ہے۔ زلزلے کے جھٹکے سکم کے مشرقی اضلاع کے ساتھ ساتھ شمالی بنگال اور پڑوسی نیپال میں بھی محسوس کیے گئے۔

قابل ذکر ہے کہ سکم میں پچھلے کچھ ہفتوں سے ہلکے سے درمیانے درجے کے زلزلے کے جھٹکے محسوس کیے جا رہے ہیں۔ تاہم ابھی تک کسی جانی نقصان کی اطلاع نہیں ملی ہے۔

ہندوستھان سماچار

ہندوستان سماچار / عطاءاللہ