مغربی سنگھ بھوم، 26 فروری (ہ س) مغربی سنگھ بھوم ضلع کے سارنڈہ علاقے میں جمعرات کی صبح اس وقت خوف و ہراس پھیل گیا جب چھوٹانا گرہ پولیس اسٹیشن کے تحت منوہر پور-چائباسا مین روڈ پر ٹونٹوگڑھا کے قریب ایک آئی ای ڈی کی اطلاع ملی۔ شبہ ظاہر کیا جا رہا تھا کہ نکسلیوں نے سیکورٹی فورسز کو نشانہ بنانے کی نیت سے دھماکہ خیز مواد نصب کیا تھا۔

اطلاع ملتے ہی سیکورٹی فورسز جائے وقوعہ پر پہنچی اور احتیاطی تدابیر کے طور پر صبح ساڑھے 9 بجے کے قریب سڑک کے دونوں طرف ٹریفک کو روک دیا گیا۔ بم اسکواڈ نے علاقے کو گھیرے میں لے کر مکمل تلاشی لی۔ تلاشی کے دوران، ٹونٹوگڑھا گاو¿ں کے قریب سڑک کے کنارے ایک مشکوک چیز برآمد ہوئی، جس کی شناخت آئی ای ڈی کے طور پر کی گئی۔

حفاظتی طریقہ پر عمل کرتے ہوئے دھماکہ خیز مواد کو کنٹرول کے ساتھ تباہ کیا گیا۔ اس پورے آپریشن کے دوران تقریباً ڈھائی گھنٹے تک سڑک پر ٹریفک بند رہی جس کے باعث گاڑیوں کی لمبی قطاریں لگ گئیں۔ حالات معمول پر آنے کے بعد ٹریفک بحال کر دی گئی۔ امیت رینو نے اس واقعہ کی تصدیق کی۔ انہوں نے کہا کہ سیکورٹی فورسز کی چوکسی کی وجہ سے ایک بڑا واقعہ ٹل گیا اور معاملے کی تحقیقات جاری ہیں۔

---------------

ہندوستان سماچار / عبدالسلام صدیقی