۔ دروپدی مرمو لوگوں کے درمیان پیدل چلیں اور بچوں میں چاکلیٹ تقسیم کیں

مشرقی سنگھ بھوم، 26 فروری (ہ س)۔ صدر جمہوریہ دروپدی مرمو کدما میں منعقدہ سری جگناتھ روحانی اور ثقافتی مرکز کے سنگ بنیاد کی تقریب کے بعد باریڈیہ پہنچیں، جہاں انہوں نے منی پال ٹاٹا میڈیکل کالج میں 'تعارفی کانفرنس' میں حصہ لیا۔ صدر جمہوریہ نے شاندار کارکردگی کا مظاہرہ کرنے والے طلبا کے ساتھ فوٹو سیشن کیا، ہونہار طلبا سے بات چیت کی اور کالج کیمپس کا معائنہ کیا اور ایک پودا لگایا۔

پروگرام کے اختتام کے بعد جب صدر جمہوریہ کالج کیمپس سے باہر نکلیں، تو سڑک کے کنارے لوگوں کا ایک بڑا ہجوم جمع تھا۔ لوگوں کاجوش دیکھ کر انہوں نے اپنے قافلے کو روکا، اپنی گاڑی سے باہر نکلیں اور لوگوں کے درمیان چلپہنچ گئیں۔ صدر جمہوریہ نے تقریباً 150 قدم لوگوں کے درمیان چل کر ان کا استقبال قبول کیا۔ صدرجمہوریہ کو اپنے درمیان پاکر ہجوم کا جوش عروج پر تھا۔ خواتین اور بچے خاصے پرجوش تھے۔ بہت سے لوگوں نے اپنے ہاتھوں میں ترنگا پکڑے ”راشٹرپتی زندہ باد“ کے نعرے لگارہے تھے۔

صدر جمہوریہ نے لوگوں کو پیار سے خوش آمدید کہا اور ہجوم میں موجود بچوں میں چاکلیٹ بھی تقسیم کیں۔ ایک بچی نے خوشی کا اظہار کرتے ہوئے کہا کہ اسے خودصدر جمہوریہ نے چاکلیٹ دی۔ وہیں، پرویندر کور نامی ایک خاتون نے بتایا کہ وہ صدر جمہوریہ کی ایک جھلک دیکھنے کے لیے وہ کئی گھنٹے سے انتظار کر رہی تھی۔ جب صدر جمہوریہ گاڑی سے اتر کر ان کی طرف آئیں، تو یہ ان کے لیے ناقابل فراموش لمحہ تھا۔ انہوں نے کہا کہ صدر جمہوریہ نے ان کی بیٹی کو چاکلیٹ کے ساتھ آشیرواد بھی دیا جس سے خاندان انتہائی جذباتی اور خوش ہو گیا۔

اس دوران سیکورٹی پوری طرح مستعد رہی اور کہیں بھی افراتفری نہیں ہوئی۔ لوگوں کو صدر جمہوریہ کو قریب سے دیکھنے اور ان کا استقبال کرنے کا موقع ملا۔

مقامی رہائشی ایس کمار سنگھ نے کہا کہ انہوں نے کبھی سوچا بھی نہیں تھا کہ صدر جمہوریہ ہند ان کے علاقے کا دورہ کریں گی۔ صدر جمہوریہ کی باریڈیہ آمد سے پورے علاقے میں جوش اور فخر کا ماحول ہے۔

قابل ذکر ہے کہ کڈما پروگرام کے اختتام کے بعد صدر جمہوریہ کا قافلہ میرین ڈرائیو سےکھرکئی لنک روڈ، مانگو گول چکر اور بھوئیانڈیہ سے ہوتا ہوا باراڈیہ کی طرف روانہ ہوا۔ کالج انتظامیہ نے بتایا کہ مستقبل میں کیمپس میں دروپدی مرمو اسپورٹس اینڈ فوڈ کیمپس تیار کرنے کا ایک طویل مدتی منصوبہ ہے، جو طلبہ کی مجموعی ترقی میں معاون ثابت ہوگا۔

ہندوستھان سماچار

ہندوستان سماچار / محمد شہزاد