گرڈیہ، 26 فروری (ہ س)۔ ضلع کے برنی تھانہ علاقے میں نامعلوم افراد نے ایک مزدور کو گولی مار کر زخمی کر دیا۔ برنی پی ایچ سی میں علاج کے بعد مزدور کو صدر اسپتال گرڈیہ ریفر کیا گیا۔ گرڈیہ صدر اسپتال میں ابتدائی علاج کے بعد اسے نازک حالت میں دھنباد ریفر کردیا گیا۔ ڈاکٹروں کے مطابق گولی اس کی کمر میں لگی اور وہ پھنسی ہوئی ہے۔ یہ واقعہ بدھ کی رات پیش آیا۔

زخمی مزدور کی شناخت نند کشور مالی کے بطور ہوئی ہے۔ واقعے کی اطلاع ملتے ہی پولیس نے ملزمان کی گرفتاری کے لیے چھاپے مارے ہیں۔ واقعے کے بعد علاقے میں خوف و ہراس کی فضا پھیل گئی۔ مزدور کو گولی کس نے اور کیوں ماری اس بارے میں تفتیش جاری ہے۔

زخمی مزدور برنی تھانہ علاقہ کے پورن نگر کا رہنے والا ہے۔ اس نے بتایا کہ وہ کام سے واپس آرہا تھا کہ موٹر سائیکل پر سوار نامعلوم ملزمان نے اسے پیچھے سے گولی مار دی۔ یہ واقعہ برنی تھانہ علاقہ میں برماسیہ پٹرول پمپ کے نزدیک کرماٹنڈ میں پیش آیا۔ واقعہ کے بعد اہل خانہ میں خوف و ہراس پایا جاتا ہے۔ ایس ڈی پی او دھننجے رام نے جمعرات کو بتایا کہ ایک شخص کو گولی مار دی گئی۔ واقعے کی تفصیلی معلومات اکٹھی کر لی گئی ہیں۔ مزید تفتیش جاری ہے۔

ہندوستھان سماچار

---------------

ہندوستان سماچار / عبدالواحد