رانچی، 26 فروری (ہ س)۔ ودھان سبھا کے بجٹ اجلاس کے دورانجمعرات کو جھارکھنڈ لوک کرانتی مورچہ (جے ایل کے ایم) کے ایم ایل اے جے رام مہتو نے کہا کہ ریاستی حکومت کی پالیسیاں جھارکھنڈ کے کسانوں کے لیے فائدہ مند ثابت نہیں ہو رہی ہیں۔ کسانوں کو ان کی پیداوار کا ویلیو ایڈیشن نہیں مل رہا ہے۔ جھارکھنڈ کے کسان اپنے ٹماٹر 5 سے 10 فی کلو روپے میں بیچنے پر مجبور ہیں۔ جبکہ اسی ٹماٹر سے بنی چٹنی کی قیمت مارکیٹ میں ہزاروں روپے فی کلو ہے۔ اسی طرح گیہوں اور مکئی کی قیمت کم ہوتی ہے اور ان کی پروسیسنگ کے بعد کارن فلیکس کی قیمت آسمان کو چھوتی ہے۔
ہماری ریاست کے کسانوں کے ذریعہ تیار کردہ خام مال کو دوسری جگہوں پر فروخت کرنے سے دوسری ریاستوں کو زیادہ منافع ملتا ہے۔ انہوں نے ایوان میں کٹوتی کی تحریک کی مخالفت کرتے ہوئے کہا کہ جھارکھنڈ میں کسان صرف کھیتی باڑی کر کے اپنا پیٹ پال سکتے ہیں، لیکن اپنے معیار زندگی کو بہتر نہیں بنا سکتے۔ جیرام نے کہا کہ ریاست کے زیادہ تر کسان مانسون پر منحصر ہیں اور برسات کے موسم میں دھان کی صرف ایک فصل ہی لے سکتے ہیں۔
آبپاشی کی سہولت نہ ہونے کی وجہ سے وہ گیہوں یا دیگر فصلیں کاشت کرنے سے قاصر ہیں جس کی وجہ سے وہ مناسب منافع کما نہیں پاتے۔ ایک فصلی کاشت کاری کسانوں کی آمدنی کو محدود کرتی ہے۔ اس لیے حکومت کو چاہیے کہ وہ ہر ضلع میں ایگرو پارکس اور فوڈ پروسیسنگ یونٹس قائم کرے تاکہ زمینی سطح پر کسانوں کے مفادات کو پورا کیا جا سکے۔ انہوں نے کہا کہ اس سے مقامی روزگار میں اضافہ ہوگا اور کسانوں کو ان کی پیداوار پرمناسب منافع ملے گا۔
ہندوستھان سماچار
ہندوستان سماچار / محمد شہزاد
