سرینگر، 26 فروری( ہ س)۔ سرینگر کے ایچ ایم ٹی انڈسٹریل ایریا میں آج ایک بڑے پیمانے پر آگ بھڑک اٹھی، جس نے ایک کاٹن فیکٹری کو لپیٹ میں لے لیا اور بڑے پیمانے پر تباہی مچا دی۔ اسٹیٹ فائر کنٹرول روم سری نگر میں آگ لگنے کی کال موصول ہوئی جس کے بعد فائر اسٹیشن مجگنڈ کو فوری طور پر جائے وقوعہ پر روانہ کیا گیا۔ پہنچنے پر، فائر اہلکاروں نے ایک کپاس کی فیکٹری کو مکمل طور پر آگ کی لپیٹ میں پایا۔ واقعہ کی شدت کو دیکھتے ہوئے فائر اسٹیشن جے وی سی ویر سے اضافی کمک روانہ کی گئی۔ فائر اینڈ ایمرجنسی ہیڈ کوارٹرز نے آگ بجھانے کے آپریشن کو مضبوط بنانے کے لیے واٹر باؤزر اور فوم ٹینڈرز بھی تعینات کیے ہیں۔ آگ بجھانے والی ٹیمیں جگہ پر سرگرم عمل رہی اور آگ پر قابو پانے اور اسے ملحقہ صنعتی یونٹوں میں پھیلنے سے روکنے کے لیے ہرممکن کوششیں کی۔ یہ آپریشن اے ڈی جی پی فائر اینڈ ایمرجنسی سروسز آلوک کمار کی مجموعی نگرانی میں کیا گیا ہے۔ آن گراؤنڈ نگرانی ڈاکٹر میر عاقب حسین، ڈپٹی ڈائریکٹر موبلائزنگ آفیسر اعجاز احمد شاہ کے ساتھ کیا کیا گیا ہے ۔ آگ لگنے کی وجہ اور نقصان کی حد کے بارے میں مزید تفصیلات کا انتظار ہے۔ہندوستھان سماچار
ہندوستان سماچار / Aftab Ahmad Mir
