رائے پور، 26 فروری (ہ س)۔ چھتیس گڑھ کے بیجاپور ضلع میں جمعرات کی صبح سیکورٹی فورسز اور نکسلیوں کے درمیان تصادم میں دو نکسلی مارے گئے۔ بیجاپور ضلع کے پولیس سپرنٹنڈنٹ جتیندر یادو نے اس کی تصدیق کی۔ انکاؤنٹر کے مقام سے دو نکسلیوں کی لاشوں کے ساتھ ایس ایل آر اور انسااس ہتھیار برآمد ہوئے ہیں۔

پولیس حکام نے بتایا کہ بیجاپور ضلع کے جنگلہ تھانہ علاقے میں دریائے اندراوتی کے کنارے جنگلات میں ماؤنوازوں کی موجودگی کی مصدقہ اطلاع کی بنیاد پر مشترکہ سیکورٹی فورس کی ٹیم تلاشی اور ماؤ نواز مخالف آپریشن کے لیے روانہ ہوئی۔ آج صبح سیکورٹی فورسز اور ماؤنوازوں کے درمیان تصادم ہوا۔ انکاؤنٹر کے بعد علاقے میں تلاشی مہم چلائی گئی جس کے نتیجے میں دو وردی پوش ماؤنوازوں کی لاشیں برآمد ہوئیں۔ جائے وقوعہ سے ایک SLR رائفل، ایک INSAS رائفل، ایک 12 بور رائفل، دھماکہ خیز مواد، اور ماؤنوازوں کے روزمرہ استعمال کی دیگر اشیاء ضبط کی گئیں۔

بستر کے انسپکٹر جنرل سندرراج پٹلنگم نے بتایا کہ علاقے میں ابھی تک تلاشی مہم جاری ہے۔ انہوں نے مزید کہا کہ کئی ماؤنوازوں نے انکاؤنٹر کے دوران گھنے جنگلات کا فائدہ اٹھایا اور ان کی تلاش کی جارہی ہے۔

ہندوستھان سماچار

---------------

ہندوستان سماچار / عبدالواحد