نئی دہلی، 26 فروری (ہ س)۔

بار کونسل آف دہلی (بی سی ڈی) کے لیے ڈالے گئے ووٹوں کی گنتی اب 7 مارچ کو شروع ہوگی۔ اصل میں گنتی جمعہ کو شروع ہونے والی تھی۔ ریٹائرڈ ریٹرننگ آفیسر جسٹس تلونت سنگھ نے آج ایک نوٹیفکیشن جاری کیا۔

نوٹیفکیشن میں کہا گیا کہ 221 امیدواروں کی وجہ سے بیلٹ پیپر کا سائز بہت بڑا ہے۔ اس سے پہلے مختص جگہ پر گنتی مشکل ہو جائے گی۔ ابتدائی طور پر، گنتی کا مقام ہائی کورٹ کے ایکسٹینشن بلاک میں رکھا گیا تھا۔ نوٹیفکیشن کے مطابق، ریٹرننگ آفیسر نے دہلی ہائی کورٹ کے چیف جسٹس ڈی کے اپادھیائے سے گنتی کے لیے ایک بڑی جگہ فراہم کرنے کی درخواست کی۔ اس کے بعد چیف جسٹس نے دہلی ہائی کورٹ کے ایس بلاک لاو¿نج کے استعمال کی منظوری دے دی۔ اب گنتی ایس بلاک کی ساتویں منزل پر ہوگی، اور امیدوار یا ان کے کاو¿نٹنگ ایجنٹ چھٹی منزل پر ایک اسکرین پر گنتی کی کارروائی دیکھ سکیں گے۔

تین روزہ بی سی ڈی انتخابات 23 فروری کو اختتام پذیر ہوئے۔ اس الیکشن میں 57 ہزار سے زائد وکلاء نے ووٹ کاسٹ کیا۔ ووٹنگ کے دوران ریٹرننگ افسر نے ماڈل ضابطہ اخلاق کی خلاف ورزی پر 79 امیدواروں کو معطل کر دیا۔ ان 79 امیدواروں نے بعد میں اپیلیں دائر کیں، جنہیں قبول کر لیا گیا اور ان کی معطلی منسوخ کر دی گئی۔

یہ انتخاب 25 رکنی بی سی ڈی کے 23 ارکان کو منتخب کرنے کے لیے ہے۔ کل 221 امیدوار میدان میں ہیں۔ پہلی بار، اس الیکشن میں سپریم کورٹ کے حکم کے بعد، خواتین امیدواروں کو 30 فیصد ریزرویشن دیا گیا ہے۔

ہندوستھان سماچار

ہندوستان سماچار / عطاءاللہ