آسنسول، 26 فروری (ہ س)۔ آسنسول عدالت کے بعد اب جمعرات کو آسنسول کے جی ٹی روڈ مارکیٹ ایریا میں واقع ہیڈ پوسٹ آفس کمپلیکس کے پاسپورٹ آفس کو بھی بم سے اڑانے کی دھمکی بھرا ای -میل موصول ہونے سے پورے احاطے میں خوف افراتفری مچ گئی ۔

اس سلسلے میں دفتر کے ڈپٹی سپرنٹنڈنٹ کومل سنگھ نے بتایا کہ انہیں کولکاتا کے دفتر سے اطلاع ملی کہ آسنسول ہیڈ پوسٹ آفس میں بم رکھا گیا ہے جو دوپہر 1:15 پر پھٹنے والا ہے۔ اطلاع ملتے ہی پولیس انتظامیہ کو اس کی خبر دی گئی اور احتیاط کے طور پر پاسپورٹ آفس اور ہیڈ پوسٹ آفس کو فوری طور پر خالی کرا لیا گیا۔

پولیس جائے وقوعہ پر پہنچ گئی اور پورے احاطے کی مکمل تلاشیلی۔ بم اسکواڈ اور ڈاگ اسکواڈ کی ٹیموں کو بھی الرٹ کردیا گیا ۔ اچانک دھمکی سے پاسپورٹ کے حصول کے لیے دفتر آنے والوں کو خاصی پریشانی ہوئی۔ دفتر خالی ہونے کے بعد انہیں بغیر کام کیے واپس جانا پڑا۔ اب، وہ اگلی تاریخ کے بارے میں واضح نہیں ہیں۔

انتظامیہ پورے معاملے کی سنجیدگی سے تحقیقات کر رہی ہے اور لوگوں سے افواہوں پر توجہ نہ دینے کی اپیل کی ہے۔

ہندوستھان سماچار

ہندوستان سماچار / محمد شہزاد