تاریخ کے آئینے میں 21 فروری: 2013 میں حیدرآباد میں ہوئے بم دھماکوں میں 17 لوگوں کی جان گئی

مورخہ 21 فروری 2013 کو حیدرآباد شہر میں ہوئے بم دھماکوں نے پورے ملک کو جھنجھوڑ دیا تھا۔ یہ دھماکے دل سکھ نگر علاقے میں ہوئے، جو اس وقت ایک مصروف تجارتی اور رہائشی علاقہ تھا۔ شام کے وقت ہوئے ان دھماکوں میں 17 لوگوں کی موت ہو گئی، جبکہ 119 سے زیادہ لوگ زخمی ہوئے تھے۔

دھماکے پرہجوم مقامات-بس اسٹاپ اور ایک سنیما ہال کے پاس-کم وقت کے وقفے میں کیے گئے، جس سے افرا تفری مچ گئی۔ زخمیوں کو فوری طور پر قریبی اسپتالوں میں داخل کرایا گیا اور راحت و بچاو کا کام کئی گھنٹوں تک جاری رہا۔ جانچ کی ذمہ داری قومی تفتیشی ایجنسی (این آئی اے) کو سپرد کی گئی۔ جانچ میں کالعدم دہشت گرد تنظیم انڈین مجاہدین کے ملوث ہونے کی بات سامنے آئی۔ بعد میں اس معاملے میں کئی ملزمان کو گرفتار کیا گیا اور خصوصی عدالت نے انہیں مجرم قرار دیا۔

یہ حملہ ملک میں شہری علاقوں کو نشانہ بنا کر کیے گئے دہشت گردانہ حملوں کی کڑی میں ایک اور سنگین واقعہ تھا۔ اس واقعے کے بعد ملک بھر میں سیکورٹی کا نظام سخت کر دیا گیا اور انٹیلی جنس نیٹ ورک کو مضبوط کرنے پر زور دیا گیا۔

دیگر اہم واقعات

1914 - ورڈن کی جنگ کا آغاز۔

1916 - پہلی جنگ عظیم میں فرانس میں ورڈن کی لڑائی بھڑکی۔

1919 - باویریا کے وزیر اعظم کرٹ آئزنر کا میونخ میں قتل ہوا۔

1946 - مصر میں برطانیہ کے خلاف احتجاجی مظاہرے۔

1948 - آزاد ہندوستان کے آئین کا مسودہ آئین ساز اسمبلی اسپیکر کے سامنے رکھا گیا۔

1952 - ڈھاکہ (اس وقت مشرقی پاکستان) میں پولیس نے مظاہرین پر تب گولیاں چلائیں جب وہ بنگلہ کو سرکاری زبان کا درجہ دینے کا مطالبہ کر رہے تھے۔ بعد میں سرکاری درجہ دیا گیا اور بنگلہ دیش میں اس کے بعد سے یہ دن زبان کی تحریک کی یادگار کے طور پر منایا جانے لگا۔ یونیسکو نے اسے بعد میں بین الاقوامی مادری زبان کا دن قرار دیا۔

1959 - پریس کلب آف انڈیا کا نئی دہلی میں قیام۔

1975 - اقوام متحدہ کے انسانی حقوق کمیشن نے مقبوضہ عرب علاقوں میں ظالمانہ کارروائی کے لیے اسرائیل کی سخت مذمت کی۔

1981 - ناسا نے سیٹلائٹ کامسٹار-4 کا لانچ کیا۔

1986 - جنوبی افریقہ کی حکومت نے جوہانسبرگ اور ڈربن سیاہ فاموں کے لیے کھول دیے۔

1991 - البانیہ میں صدر جمہوریہ نے پولیس بغاوت کے بعد نئی حکومت کی تشکیل کا اعلان کیا۔

1992 - چین نے شنگھائی شیئر بازار میں غیر ملکیوں کو کام کاج کی اجازت دی۔

1996 - ہبل اسپیس ٹیلی اسکوپ کے ذریعے بھیجی گئی تصاویر کی مدد سے ’’بلیک ہول‘‘ کے وجود کا پتہ چلا۔

1996 - خلائی جہاز سویوز ٹی ایم 23 مدار میں نصب۔

1998 - اقوام متحدہ کی سلامتی کونسل نے عراق کو 5.2 ارب ڈالر کا تیل بیچنے کی اجازت دی۔

1999 - سابق وزیر اعظم اٹل بہاری واجپائی اور پاکستان کے سابق وزیر اعظم نواز شریف کے درمیان لاہور اعلامیہ پر معاہدہ۔

2000 - ہندوستانی نژاد 52 سالہ اجل دوسانجھ کینیڈا میں برٹش کولمبیا صوبے کے نئے وزیر اعلیٰ (پریمیئر) بنے۔

2004 - لان ٹینس میں ثانیہ مرزا ڈبلیو ٹی اے خطاب جیتنے والی پہلی ہندوستانی خاتون کھلاڑی بنیں۔

2005 - اسپین کے باشندوں نے ریفرنڈم میں یورپی یونین کے آئین کی وسیع حمایت کی۔

2008 - انیل امبانی کی ’’ریلائنس کمیونیکیشنز‘‘ نے یوگنڈا کی کمپنی ’’انوپم گلوبل سافٹ‘‘ کو ایکوائر کیا۔

2008 - ہندوستانی نجی ایئر لائن جیٹ ایئرویز نے ایئر کینیڈا کے ساتھ اسٹریٹجک اتحاد قائم کیا۔

2008 - پاکستان پیپلز پارٹی کے لیڈر آصف علی زرداری اور مسلم لیگ (ن) کے لیڈر اور سابق وزیر اعظم نواز شریف نے ہاتھ ملایا۔

2009 - ہندوستان موٹرز نے اپنے مینیجرز کی تنخواہ گھٹائی۔

2010 - سعودی عرب کی حکومت نے خواتین کو وکالت کرنے کی اجازت دینے سے متعلق قانون لانے کا فیصلہ کیا۔ یہ قانون خواتین کو خاندانی معاملات جیسے طلاق کے مقدمات کی پیروی کا حق دے گا۔

2010 - بیڈمنٹن کھلاڑی سائنہ نہوال نے دنیا کی نمبر آٹھ کھلاڑی ژو می کو 21-14، 10-21، 21-23 سے 50 منٹ میں شکست دے دی۔ اس کے ساتھ ہی ہندوستانی ٹیم نے تھائی لینڈ کے ناکھون راتچاسیما میں کھیلے جا رہے ابیر کپ (ایشیا زون کوالیفائر) میں اپنے پہلے میچ میں ہانگ کانگ کو 2-3 سے ہرا دیا۔

ہندوستھان سماچار

---------------

ہندوستان سماچار / انظر حسن