نئی دہلی، 9 جنوری (ہ س)۔ وزیر اعظم نریندر مودی نے آج سومناتھ دھام کی شان وشوکت کو یاد کرتے ہوئے کہا کہ اس کا شاندار وراثت صدیوں سے لوگوں کے شعور کو بیدار کرتی آ رہی ہے۔ انہوں نے کہا کہ سومناتھ دھام سے بہنے والی شاندار توانائی صدیوں تک عقیدے،حوصلے اور خودداری کے چراغ جلاتی رہے گی۔

وزیر اعظم نے ایکس پوسٹ میں سومناتھ دھام کی روحانی اہمیت کو اجاگر کرنے والا ایک سنسکرت شلوک بھی شیئر کیا:

آدیناتھن شروین سروپرانی ہتائے وے۔

آگھیہ تتوانیتھانیم کشیترمیتن مہاپربھم۔

پربھاسیتم مہادیوی یتر سدھینتی مانواہ۔

اس شلوک کا مفہوم یہ ہے کہ اس علاقے کوآدی ناتھ بھگوان شیوکے ذریعہ تمام مخلوقات کی فلاح و بہبود کے لیے قائم کیا ہے ۔ یہ جگہ بنیادی عناصر سے بھری ہوئی ہے، انتہائی طاقتور اور عظیم ہے۔ ہے دیوی، یہ پربھاس کشیترایسی مقدس جگہ ہے جہاں انسان اپنی زندگی کے مقاصد اور کامیابیاں حاصل کرتے ہیں۔

وزیر اعظم نے کہا کہ سومناتھ دھام صرف ایک مندر نہیں ہے، بلکہ ہندوستان کی لازوال ثقافت، اٹل عقیدے اورخودداری کی زندہ علامت ہے۔ انہوں نے کہا کہ سومناتھ نے ہر دور میں ملک کو خود اعتمادی اور تعمیر نو کی ترغیب دی ہے۔

ہندستھان سماچار

ہندوستان سماچار / محمد شہزاد