گلوبل مارکیٹ سے مثبت اشارے، ایشیا میں بھی تیزی کا رجحان

نئی دہلی، 06 جنوری (ہ س)۔ گلوبل مارکیٹ سے آج مثبت اشارے مل رہے ہیں۔ امریکی بازار گزشتہ سیشن کے دوران مضبوطی کے ساتھ بند ہوئے۔ ڈاو جونز فیوچرز بھی آج سبقت کے ساتھ کاروبار کرتا ہوا نظر آ رہا ہے۔ یورپی بازار بھی گزشتہ سیشن کے دوران اضافے کے ساتھ بند ہونے میں کامیاب رہے۔ اسی طرح ایشیائی بازار میں بھی آج عام طور پر تیزی کا رجحان برقرار ہے۔

امریکی بازار میں گزشتہ سیشن کے دوران جوش و خروش کا ماحول برقرار رہا، جس کے سبب وال اسٹریٹ کے انڈیکس مضبوطی کے ساتھ بند ہونے میں کامیاب رہے۔ ڈاو جونز 600 پوائنٹس کی مضبوطی کے ساتھ آل ٹائم ہائی کے نئے ریکارڈ سطح تک پہنچا۔ اسی طرح ایس اینڈ پی 500 انڈیکس نے 0.64 فیصد کی تیزی کے ساتھ 6,902.09 پوائنٹس کی سطح پر گزشتہ سیشن کے کاروبار کا اختتام کیا۔ اس کے علاوہ نیس ڈیک 154.63 پوائنٹس یعنی 0.67 فیصد کی چھلانگ لگا کر 23,390.26 پوائنٹس کی سطح پر بند ہوا۔ ڈاو جونز فیوچرز آج فی الحال 106.47 پوائنٹس یعنی 0.22 فیصد کی سبقت کے ساتھ 49,082.65 پوائنٹس کی سطح پر کاروبار کرتا ہوا نظر آ رہا ہے۔

امریکی بازار کی طرح ہی یورپی بازار میں بھی گزشتہ سیشن کے دوران مسلسل خریداری ہوتی رہی۔ ایف ٹی ایس ای انڈیکس 0.53 فیصد کی مضبوطی کے ساتھ 10,004..7 پوائنٹس کی سطح پر بند ہوا۔ اسی طرح سی اے سی انڈیکس نے 0.20 فیصد کی تیزی کے ساتھ 8,211.50 کی سطح پر گزشتہ سیشن کے کاروبار کا اختتام کیا۔ اس کے علاوہ ڈی اے ایکس انڈیکس 329.35 پوائنٹس یعنی 1.32 فیصد اچھل کر 24,868.69 پوائنٹس کی سطح پر بند ہوا۔

ایشیائی بازار آج مضبوطی کے ساتھ کاروبار کرتے ہوئے نظر آ رہے ہیں۔ ایشیا کے 9 بازاروں میں سے 8 کے انڈیکس سبقت کے ساتھ سبز نشان میں کاروبار کر رہے ہیں، جبکہ ایک انڈیکس گراوٹ کے ساتھ سرخ نشان میں برقرار ہے۔ ایشیائی بازار میں اکلوتا سیٹ کمپوزٹ انڈیکس فی الحال 0.28 فیصد کی کمزوری کے ساتھ 1,276.51 پوائنٹس کی سطح پر کاروبار کر رہا ہے۔

دوسری جانب، گفٹ نفٹی 0.09 فیصد کی مضبوطی کے ساتھ 26,344 پوائنٹس کی سطح پر کاروبار کر رہا ہے۔ اسی طرح کوسپی انڈیکس 0.22 فیصد تیزی کے ساتھ 4,467.24 پوائنٹس کی سطح پر پہنچا ہوا ہے۔ ہینگ سینگ انڈیکس نے آج زوردار چھلانگ لگائی ہے۔ فی الحال یہ انڈیکس 508.76 پوائنٹس یعنی 1.93 فیصد کے اضافے کے ساتھ 26,856 پوائنٹس کی سطح پر آ گیا ہے۔

اسی طرح شنگھائی کمپوزٹ انڈیکس 1.14 فیصد کی سبقت کے ساتھ 4,069.38 پوائنٹس کی سطح پر پہنچا ہوا ہے۔ اس کے علاوہ اسٹریٹس ٹائمز انڈیکس 1.11 فیصد کی مضبوطی کے ساتھ 4,732.28 پوائنٹس کی سطح پر، تائیوان ویٹیڈ انڈیکس 279.16 پوائنٹس یعنی 0.93 فیصد کی تیزی کے ساتھ 30,384.20 پوائنٹس کی سطح پر، نکیئی انڈیکس 449.20 پوائنٹس یعنی 0.87 فیصد اچھل کر 52,282 پوائنٹس کی سطح پر اور جکارتہ کمپوزٹ انڈیکس 0.37 فیصد کی سبقت کے ساتھ 8,891.53 پوائنٹس کی سطح پر کاروبار کر رہے ہیں۔

ہندوستھان سماچار

---------------

ہندوستان سماچار / انظر حسن