لاہور،04جنوری (ہ س )۔

سری لنکا میں ٹی ٹوئنٹی سیریز کے لیے پاکستان کرکٹ ٹیم کے کھلاڑیوں کی آج سری لنکا روانگی شروع ہوگی۔ذرائع کے مطابق فہیم اشرف، سلمان مرزا اور وسیم جونیئر آج سری لنکا روانہ ہوں گے۔ اسکواڈ کے دیگر اراکین کل لاہور سے کولمبو کے لیے روانہ ہوں گے۔بنگلہ دیش پریمیئر لیگ کھیلنے والے اسکواڈ کے اراکین بھی پاکستان پہنچ چکے ہیں۔

ذرائع کے مطابق ہیڈ کوچ مائیک ہیسن سمیت غیر ملکی سپورٹ اسٹاف براہ راست سری لنکا پہنچے گا، غیر ملکی کوچنگ اسٹاف کرسمس اور نیو ایئر کے لیے سالانہ چھٹیوں پر اپنے اپنے وطن چلا گیا تھا۔بی بی ایل کھیلنے والے آل راو¿نڈر شاداب خان آسٹریلیا سے سری لنکا پہنچ رہے ہیں، انہوں نے گزشتہ روز بی بی ایل کا سڈنی میں میچ کھیلا تھا۔ذرائع کے مطابق شاداب خان سری لنکا کے ساتھ سیریز کے بعد سڈنی تھنڈرز کو دستیاب ہوں گے۔یاد رہے کہ پاکستان اور سری لنکا کے درمیان ٹی ٹوئنٹی سیریز کے میچز 7، 9 اور 11 جنوری کو کھیلے جائیں گے۔

ہندوستھان سماچار

ہندوستان سماچار / عطاءاللہ