دھرم شالہ، 4 جنوری (ہ س)۔ اتوار کو دھرم شالہ کے ہماچل پردیش کرکٹ ایسوسی ایشن (ایچ پی سی اے) اسٹیڈیم میں تھائی لینڈ اور ہماچل کی سینئر خواتین ٹیم کے درمیان کھیلے گئے پریکٹس میچ میں تھائی لینڈ نے ہماچل کو 21 رنز سے شکست دی۔ اس سے قبل ایچ پی سی اے ٹیم نے ٹاس جیت کر باؤلنگ کا فیصلہ کیا۔ تھائی لینڈ نے پہلے بیٹنگ کرتے ہوئے مقررہ 20 اوورز میں 5 وکٹوں کے نقصان پر 123 رنز بنائے۔ ناتھاکن چنتھم نے 67، ناناپت 27 اور چنیڈا نے 20 رنز بنائے۔ ہماچل کی جانب سے منیشا، نینا، یمنا اور سونل نے ایک ایک وکٹ حاصل کی۔

ہدف کے تعاقب میں ہماچل کی ٹیم 20 اووروں میں 8 وکٹوں کے نقصان پر صرف 102 رنز ہی بنا سکی۔ ہماچل کے لیے سونل نے سب سے زیادہ 22 رنز بنائے۔ ٹیم کے لیے دیوانشی نے 15، سشمیتا نے 14 ناٹ آؤٹ، وندنا نے 12 اور مونیکا نے 11 رنز بنائے لیکن وہ ہدف تک پہنچنے میں ناکام رہیں۔ تھائی لینڈ کی جانب سے اونیچا نے تین وکٹیں حاصل کیں۔ فانیتا، تھیچاپا، سنیڈا اور سلی پورن نے بالترتیب ایک ایک وکٹ حاصل کی۔

ہندوستھان سماچار

---------------

ہندوستان سماچار / عبدالواحد