نئی دہلی، 4 جنوری (ہ س)۔ ہندوستان نے وینزویلا میں حالیہ پیش رفت پر گہری تشویش کا اظہار کیا ہے اور کہا ہے کہ صورت حال پر گہری نظر رکھی جا رہی ہے۔ ہفتہ کو وزارت خارجہ نے اس سلسلے میں ہندوستانی شہریوں کو ایک ایڈوائزری جاری کی۔وزارت خارجہ نے کہا،’ہندوستان وینزویلا کے لوگوں کی فلاح و بہبود اور حفاظت کے لیے اپنی حمایت کا اعادہ کرتا ہے۔ ہندوستان تمام متعلقہ فریقوں سے پرامن طریقے سے مسائل کو بات چیت کے ذریعے حل کرنے کی اپیل کرتا ہے۔ خطے میں امن اور استحکام کو برقرار رکھا جانا چاہیے۔‘وزارت نے اس بات کا اعادہ کیا کہ کراکس میں ہندوستانی سفارت خانہ ہندوستانی برادری کے ارکان کے ساتھ رابطے میں ہے اور ہر ممکن مدد فراہم کرتا رہے گا۔

قابل ذکر ہے کہ ہفتے کے روز امریکا نے وینزویلا کے صدر نکولس مادورو اور ان کی اہلیہ سیلیا فلورس کو ایک حملے میں گرفتار کر کے امریکا لایا تھا۔ وینزویلا کی حکومت نے ایک بیان میں کہا ہے کہ اس حملے کا مقصد ملک کے تیل اور معدنی ذخائر پر قبضہ کرنا تھا۔

ہندوستھان سماچار

ہندوستان سماچار / Mohammad Khan