نئی دہلی، 04 جنوری (ہ س)۔ ہاکی انڈیا لیگ (ایچ آئی ایل) خواتین کی ٹیم سورما ہاکی کلب نے موجودہ 2025-26 سیزن میں مایوس کن کارکردگی کے بعد اپنے ہیڈ کوچ جوڈ مینیزس سے علیحدگی کا فیصلہ کیا ہے۔ کلب نے اتوار کو باضابطہ طور پر اس کی تصدیق کرتے ہوئے کہا کہ یہ قدم ٹیم کے خراب نتائج کے پیش نظر اٹھایا گیا ہے۔

سورما ہاکی کلب نے پچھلے سیزن (2024-25) میں اچھی کارکردگی کا مظاہرہ کیا اور رنر اپ رہا، لیکن موجودہ سیزن میں ٹیم کی شروعات خراب رہی ہے۔ وہ اب تک اپنے چاروں میچ ہار چکے ہیں جس کی وجہ سے وہ پوائنٹس ٹیبل میں کمزور پوزیشن پر ہیں۔

سورما ہاکی کلب کے ابھی لیگ میں مزید دو میچز باقی ہیں جن کا سامنا رانچی رائلز اور شراچی بنگال ٹائیگرز سے ہوگا۔ ان اہم میچوں سے قبل ٹیم انتظامیہ نے کوچنگ اسٹاف میں ردوبدل کرکے کلب کو ایک نئی سمت دینے کی کوشش کی ہے۔

کلب نے سابق ہندوستانی کپتان اور ٹیم مینٹور رانی رامپال کو بقیہ ٹورنامنٹ کے لیے عبوری ہیڈ کوچ مقرر کیا ہے۔ رانی رامپال کو موجودہ کوچنگ اسٹاف سپورٹ کرے گا۔ ان کی قیادت میں ٹیم سے اچھی کارکردگی کی توقع ہے۔

سورما ہاکی کلب کی انتظامیہ کا خیال ہے کہ اس تبدیلی سے ٹیم کے اعتماد اور حکمت عملی کو بہتر بنانے میں مدد ملے گی۔ اب سب کی نظریں رانی رامپال کی رہنمائی میں ہونے والے آئندہ میچوں پر ہوں گی، جہاں ٹیم باعزت واپسی پر نظر آئے گی۔

---------------

ہندوستان سماچار / عبدالسلام صدیقی