سرینگر 20 جنوری( ہ س)وارنو لولاب میں ایک قدیم قبرستان کی تزئین و آرائش کو لے کر مقامی باشندوں نے بھارتی فوج کے اقدام کو سراہا۔ تفصیلات کے مطابق وارنو لولاب میں واقع ایک قدیم قبرستان کی تزئین و آرائش اور بحالی کا کام فوج کی مقامی راشٹریہ رائفلز بٹالین نے انجام دیا ہے، یہ اقدام علاقے کے لوگوں کی طرف سے بڑے پیمانے پر سراہا جا رہا ہے۔ قابل ذکر بات یہ ہے کہ ہندو عقیدے سے تعلق رکھنے والے ہندوستانی فوج کے جوانوں نے فرقہ وارانہ ہم آہنگی کی ایک قابل تعریف مثال قائم کی۔ سپاہی مہندر کمار کی قیادت میں، اپنے ساتھی سپاہیوں کے ساتھ، انہوں نے تین قدیم مسلم قبروں کی مرمت، صفائی اور باڑ لگانے کا کام کیا۔ یہ قبریں کافی عرصے سے کھلی، اور خستہ حالت میں پڑی تھیں۔ مہندر کمار اور دیگر فوجی جوانوں نے بحالی کا کام بڑے احترام کے ساتھ انجام دیا۔ انہوں نے قبرستان کی اچھی طرح صفائی کی اور اس مقدس مقام کی حفاظت کو یقینی بنانے کے لیے قبروں کے گرد باڑ لگائی۔یہ قبرستان تاریخی اہمیت کا حامل ہے، کیونکہ اس میں تین افراد کی قبریں ہیں جنہیں 1963 اور 1989 میں وہاں دفن کیا گیا تھا۔ تزئین و آرائش کا کام انتہائی احتیاط اور احترام کے ساتھ مکمل کیا گیا، جو نہ صرف قومی سلامتی بلکہ عوامی بہبود اور ثقافتی اور مذہبی ورثے کے تحفظ کے لیے ہندوستانی فوج کے عزم کی عکاسی کرتا ہے۔ وارنو لولاب اور آس پاس کے مکینوں نے اس نیک، انسان دوست اور قابل تعریف اقدام پر ہندوستانی فوج کے جوانوں کا تہہ دل سے شکریہ ادا کیا۔ انہوں نے اسے فرقہ وارانہ ہم آہنگی، مقامی جذبات کے احترام اور عوام اور مسلح افواج کے درمیان مضبوط رشتوں کی ایک روشن مثال کے طور پر بیان کیا۔ہندوستھان سماچار

ہندوستان سماچار / Aftab Ahmad Mir