وزر اعلیٰ نے سمریدھی یاترا کے دوران گوپال گنج ضلع سے متعلق ترقیاتی اور فلاحی اسکیموں کا جائزہ لیاپٹنہ،20جنوری(ہ س)۔وزیر اعلیٰ نتیش کمار نے آج سمریدھی یاترا کے دوران ہائر سیکنڈری اسکول، برولی میں گوپال گنج ضلع سے متعلق ترقیاتی اور فلاحی اسکیموں کا جائزہ لیا۔ وزیر اعلیٰ نے پرگتی یاترا کے دوران اعلان کردہ مختلف اسکیموں کے نفاذ کے بارے میں معلومات حاصل کی۔ جائزہ میٹنگ کے دوران، گوپال گنج کے ڈی ایم پون کمار سنہا نے پرگتی یاترا سے متعلق اسکیموں، سات نشچے -2 کی اسکیموں، اور سات نشچے -3 کی اسکیموں کے نفاذ کے بارے میں پریزنٹیشن کے ذریعے وزیر اعلیٰ کو تفصیلی معلومات فراہم کیں۔ ڈی ایم نے ضلع میں جاری دیگر ترقیاتی کاموں کے بارے میں بھی معلومات حاصل کی۔جائزہ میٹنگ کے دوران وزیر اعلیٰ نے پرگتی یاترا سے متعلق منظور شدہ اسکیموں پر عمل آوری میں تیزی لانے پر زور دیا۔ انہوں نے سات نشچے-2 کے تحت لاگو کی جارہی اسکیموں کو بہتر طریقے سے نافذ کرنے پر زور دیا۔ انہوں نے کہا کہ سات نشچے3 کے تحت بیان کردہ اسکیموں پر کام زیادہ موثر انداز میں شروع کریں۔ افسران پورے عزم اور حساسیت کے ساتھ اسکیموں کو تیزی سے نافذ کریں اور مکمل کریں۔ انہوں نے کہا کہ حکومت عوام کی فلاح و بہبود کے لیے کام کر رہی ہے اور اس مقصد کے لیے متعددا سکیمیں نافذ کی جا رہی ہیں۔ حکومت کے ذریعہ عوامی مفاد میں کیے جارہے کام کو عوام تک پہنچائیں۔وزیراعلیٰ نے کہا کہ ہم لوگوں نے ریاست کو ملک کی سب سے ترقی یافتہ ریاستوں میں شامل کرنے کے لئے سات نشچے 3 پروگراموں کو نافذ کیا ہے۔ ساتواں جز، ''سبکا سمان-زندگی آسان'' کا بنیادی مقصد تمام شہریوں کی روزمرہ کی زندگی میں درپیش مشکلات کو کم کرکے ان کی زندگی کو آسان بنانا ہے۔ ہم اس مقصد کے لیے مسلسل کام کر رہے ہیں۔ ہم ریاست کے تمام شہریوں کی سہولت کا خیال رکھتے ہیں۔ ہم ان کی زندگیوں کو آسان اور ترقی یافتہ بنانے کے لیے مسلسل کام کر رہے ہیں۔ تمام افسران حساسیت کے ساتھ اسکیموں کو نافذ کریںتاکہ بہار کو ملک کی سب سے ترقی یافتہ ریاستوں میں شامل کیا جاسکے۔ ہندوستھان سماچار

ہندوستان سماچار / Mohammad Afzal Hassan