جموں, 20 جنوری (ہ س)جموں میں جاری سوچھ یومِ جمہوریہ مہم کے تحت جموں میونسپل کارپوریشن نے پریڈ ایریا میں اینٹی ڈیفیسمنٹ مہم چلائی، جس کا مقصد یومِ جمہوریہ سے قبل صفائی ستھرائی اور شہری ذمہ داری کے شعور کو فروغ دینا ہے۔یہ مہم کمشنر سکریٹری ہاؤسنگ اینڈ اربن ڈیولپمنٹ ڈیپارٹمنٹ مندیپ کور کی رہنمائی میں انجام دی جا رہی ہے۔مہم کے دوران اسکولی طلبہ نے سرگرم شرکت کرتے ہوئے عوامی دیواروں پر چسپاں پوسٹرز اور غیر مجاز تشہیری مواد کو ہٹایا، جو صفائی کے اقدامات میں کمیونٹی شمولیت اور نوجوانوں کے کردار کی علامت ہے۔ یہ سرگرمی ڈاکٹر دیونش یادو، کمشنر جے ایم سی کی موجودگی میں انجام دی گئی، جنہوں نے طلبہ کے جوش و جذبے کو سراہتے ہوئے صاف اور ڈیفیسمنٹ سے پاک عوامی مقامات کی اہمیت پر زور دیا۔

پوسٹرز ہٹانے کے بعد دیواروں کی مکمل صفائی اور تازہ رنگ و روغن کیا گیا، جس سے علاقے کی خوبصورتی بحال ہوئی اور صفائی و ذمہ دارانہ عوامی رویّے کا پیغام مضبوط ہوا۔اس موقع پر جوائنٹ کمشنر ریونیو و انفورسمنٹ سبھا مہتا، ڈپٹی کمشنر نارتھ سنجے بدیال، ڈاکٹر پریانکا ملہوترا سمیت جے ایم سی کے دیگر سینئر افسران و اہلکار موجود تھے۔ انہوں نے اس عزم کا اعادہ کیا کہ عوامی املاک کو نقصان پہنچانے والوں کے خلاف سخت کارروائی جاری رہے گی اور شہریوں سے شہر کو صاف و خوبصورت رکھنے میں تعاون کی اپیل کی۔

سوچھ یومِ جمہوریہ مہم جموں کے مختلف علاقوں میں جاری ہے، جس میں صفائی، انسدادِ تجاوزات، اینٹی ڈیفیسمنٹ کارروائیاں اور عوامی آگاہی شامل ہیں، تاکہ یومِ جمہوریہ تقاریب کے لیے صاف ستھرا اور باوقار ماحول یقینی بنایا جا سکے۔

ہندوستھان سماچار

---------------

ہندوستان سماچار / محمد اصغر