جموں پولیس نے چوری کی واردات کو حل کیا

جموں، 20 جنوری (ہ س)۔ جموں کے آر ایس پورہ پولیس اسٹیشن نے ایک منظم چوری کے معاملے کو کامیابی کے ساتھ حل کرتے ہوئے چار چوروں کو گرفتار کر لیا ہے، جبکہ تقریباً 40 ہزار روپے مالیت کا مسروقہ سامان بھی برآمد کر لیا گیا ہے۔

یہ معاملہ 10 جنوری کو تروِندر سنگھ کی جانب سے درج کرائی گئی تحریری شکایت کے بعد سامنے آیا، جس میں انہوں نے کوٹلی شاہ دولہ میں واقع اپنے رہائشی مکان میں چوری کی واردات کی اطلاع دی تھی۔ شکایت کے مطابق نشہ مکتی مرکز سے متعلق ایک مقدمے کے تحت پہلے ہی ضبط شدہ اس عمارت کے تالے ٹوٹے ہوئے پائے گئے اور گھریلو سامان چوری ہو چکا تھا۔

پولیس اسٹیشن آر ایس پورہ میں بی این ایس کی متعلقہ دفعات کے تحت ایف آئی آر نمبر 11/2026 درج کی گئی، جبکہ معاملے کی تفتیش پی ایس آئی روہت شرما کے سپرد کی گئی۔ نامعلوم ملزمان کی شناخت اور گرفتاری کے لیے فوری کارروائی عمل میں لائی گئی۔

ایس ایچ او پولیس اسٹیشن آر ایس پورہ، ایس ڈی پی او آر ایس پورہ اور ایس پی ہیڈکوارٹر جموں کی نگرانی میں ایک خصوصی پولیس ٹیم تشکیل دی گئی۔ تکنیکی شواہد اور مصدقہ خفیہ اطلاعات کی بنیاد پر ٹیم نے چوری میں ملوث چاروں ملزمان کا سراغ لگا کر انہیں گرفتار کر لیا۔ دورانِ تفتیش طویل پوچھ گچھ کے بعد ملزمان نے اپنے جرم کا اعتراف بھی کر لیا۔پولیس کے مطابق گرفتار ملزمان سے برآمد شدہ سامان کی مالیت تقریباً 40 ہزار روپے ہے، جبکہ معاملے کی مزید تفتیش جاری ہے۔

ہندوستھان سماچار

--------------

ہندوستان سماچار / محمد اصغر