القاضی اردو اکیڈمی نے ہونہار اردو طلباءکو انعامات سے نوازا گیامظفرنگر ،19جنوری(ہ س)۔مظفرنگرکے گاو?ں کلیان پورمیںاردو طلباءاور طالبات کا ایک تحریری مقابلہ منعقد ہوا ، جس میں دس بہترین طلبائ اور طالبات کو قیمتی انعامات سے سرفراز کیا گیا۔ عالمی یوم اردو منتظمہ کمیٹی، نئی دہلی اور القاضی اردو اکیڈمی کی جانب سے منعقدہ اس تقریب میں مہمان خصوصی کے طورپر سینئر صحافی معصوم مرادا?بادی، مہمان ذی وقار کے طورپر ڈاکٹر الیاس مظہر اور سوشل میڈیا کی معروف شخصیت سہیل نمبردار نے شرکت کی۔ تقریب کی صدارت ڈاکٹر سید احمد خاں نے کی۔ انہوں نے کہا کہ’ ’ہمارا مقصد اردو تعلیم کو عام کرنا ہے اورجو نئی نسل اس سے دور ہوتی جارہی ہے ، اس کو اردو تعلیم وتدریس کی اہمیت سے روشناس کرانا ہے۔ ڈاکٹر سید احمد خاں نے مزید کہا کہ مقابلہ میں بچیوں نے بڑی کامیابی حاصل کی، یہ خوش ا?ئند ہے۔ اس سے مادری زبان اردو کے فروغ میں بہت مدد ملے گی۔ اس موقع پر معصوم مرادا?بادی نے ہونہار اردو طلبائ کا حوصلہ بڑھاتے ہوئے کہا کہ ”جو بچے اردو تعلیم سے ا?راستہ ہوتے ہیں ، ان کے لب ولہجے اور گفتگو میں شائستگی پیدا ہوجاتی ہے اور وہ اپنی تاریخ اور تہذیب سے بھی واقف ہوجاتے ہیں، اس لیے ضرورت اس بات کی ہے کہ اردو تعلیم کو گھر گھر پہنچایا جائے اور جو طلباءاور طالبات بہترین کارکردگی کا مظاہرہ کریں ان کی حوصلہ افزائی کی جائے۔“ القاضی اردو اکیڈمی کی چیئر پرسن ایڈووکیٹ شاہ جبیں قاضی نے اس موقع پر ہونہار طلباءاور طالبات کے لیے بہترین تحفے اور شیلڈ پیش کرتے ہوئے کہا کہ ہمارا بنیادی مقصد اردوپڑھنے والے طلباءاور طالبات کی حوصلہ افزائی کرنا ہے تاکہ اس سے دیگر طلباءبھی تحریک حاصل کریں۔اس کام کے لیے ان دوردراز قصبوں اور گاوو?ں کا انتخاب کیا گیا ہے جہاں عام طورپر فلاحی تنظیمیں نہیں پہنچ پاتیں۔جن ہونہار طلبائ اور طالبات کو انعام واکرام سے نوازا گیا ان میں نکہت پروین ، چاہت چودھری ، صائمہ بیگم ، سہانی بیگم ، اقرائ چودھری ، سمیہ ، ثنائ ، من تشااور ذیشان شامل ہیں۔ یہ تقریب نواب میموریل پبلک اسکول، کلیان پور کے تعاون سے منعقد ہوئی۔پروگرام کو کامیاب بنانے میں محترمہ خوشی، حنا، ادیبہ کے علاوہ عمیق چودھری، مومنہ چودھری، عرشی، نورین، انم چودھری وغیرہ کے نام قابل ذکر ہیں۔

ہندوستھان سماچار

ہندوستان سماچار / Md Owais Owais