سلمان خان اور رشمیکا مندانا کی فلم سکندر اپنی ریلیز پر ناظرین کی توقعات پر پورا نہیں اتر سکی اور اسے کافی تنقید کا سامنا کرنا پڑا۔ عید 2025 پر پریمیئر ہونے والی اس فلم سے بہت زیادہ توقعات وابستہ کی گئی تھیں، لیکن اس کی کمزور کہانی اور پیشکش نے ناظرین کو مایوس کیا۔ اب، رشمیکا مندانا نے فلم کے بارے میں کھل کر بات کی ہے اور اپنے فیصلے کی وضاحت کی ہے۔

ایک انٹرویو میں رشمیکا نے انکشاف کیا کہ جب انہیں ”سکندر“ کی کہانی سنائی گئی تو اس کی کہانی الگ تھی۔ انہوں نے کہا کہ مروگاداس سر کے ساتھ ابتدائی گفتگو اور اسکرپٹ بیانیہ بالکل مختلف تھا، لیکن فلم کی شوٹنگ کے دوران کہانی میں بہت سی تبدیلیاں آئیں۔ رشمیکا کے مطابق، یہ فلموں میں عام ہے، کیونکہ کہانی اکثر پروڈکشن، ایڈیٹنگ اور ریلیز کے دوران بدل جاتی ہے۔

رشمیکا کا یہ بیان سوشل میڈیا پر تیزی سے وائرل ہو رہا ہے، جہاں صارفین نے شدید ردعمل کا اظہار کیا ہے۔ کچھ لوگوں نے فلم میں سلمان اور رشمیکا کی کیمسٹری پر سوال اٹھائے، جب کہ کچھ نے سلمان خان کی کارکردگی کو کمزور قرار دیا۔ رپورٹس کے مطابق، اے آر مروگاداس کی ہدایت کاری میں بننے والی سکندر تقریباً 200 کروڑ (تقریباً 200 ملین ڈالر) کے بجٹ پر بنائی گئی تھی، لیکن اس فلم نے دنیا بھر میں صرف 185 کروڑ (تقریباً 185 ملین ڈالر) کمائے تھے۔

---------------

ہندوستان سماچار / عبدالسلام صدیقی