نوئیڈا، 19 جنوری (ہ س)۔ نوئیڈا ڈیولپمنٹ اتھارٹی کے جونیئر انجینئر سریندر کمار ورما نے کل رات سیکٹر 39 پولیس اسٹیشن میں 22 لینڈ مافیا کے خلاف رپورٹ درج کرائی ہے۔ انہوں نے الزام لگایا کہ یہ لینڈ مافیا گاؤں بھنگیل بیگم پور میں کھسرہ نمبر 247، 260، اور 251 کی زمین پر غیر قانونی طور پر قبضہ کر رہے ہیں۔

سیکٹر 39 پولس اسٹیشن کے انسپکٹر انچارج ڈی پی شکلا نے بتایا کہ کل رات نوئیڈا ڈیولپمنٹ اتھارٹی کے جونیئر انجینئر سریندر کمار ورما نے جاوید ملک، ونیت سریواستو، کماری ریا گاندھی، راجپال سنگھ، ونود کمار، وکاس چودھری، سدھارتھ کمار، ونود کمار،راہول کمار، ونود کمار،شرافت اللہ،انل کمار نکھل کمار،یوگیندر سنگھ،راہل متل، وکاس، سونو پرساد، سنجیو کمار، دشینت کمار، وکاس گوئل، کرم ویر سنگھ، نتن کسانا، وکرم گوئل، عمر، اور رحمان خان کا نام درج کرایا۔۔

جونیئر انجینئر سریندر کمار ورما کا الزام ہے کہ یہ لینڈ مافیا سیکٹر 104 سے متصل گاؤں بھنگیل بیگم پور میں کھسرہ 247، 250 اور 251 نمبر والی زمین پر غیر قانونی طور پر تعمیرات کر رہے ہیں۔ ان کے مطابق یہ زمین نوئیڈا ڈیولپمنٹ اتھارٹی کی نوٹیفائیڈ زمین ہے۔ متاثرہ کے مطابق لینڈ مافیا بار بار وارننگ کے باوجود تعمیرات جاری رکھے ہوئے ہے۔ انہوں نے کہا کہ یہ غیر قانونی اور غیر مجاز تعمیر نوئیڈا میں بنیادی ڈھانچے کی سہولیات کی مناسب منصوبہ بندی اور ترقی اور عوامی وقار کے مفادات کو بری طرح متاثر کرے گی۔

---------------

ہندوستان سماچار / عبدالسلام صدیقی