شملہ، 19 جنوری (ہ س)۔ ملک کے سب سے بڑے زیر زمین ہائیڈرو الیکٹرک پروجیکٹ، ناتھپا-جھاکڑی ہائیڈرو پاور اسٹیشن (این جے ایچ پی ایس) نے بجلی کی پیداوار کے میدان میں ایک اہم سنگ میل حاصل کیا ہے۔ ستلج جل ودیوت نگم (ایس جے وی این) کے اس پروجیکٹ نے 18 جنوری کو سات ہزار ملین یونٹس ( ایم یو) بجلی کی پیداوار کے اعداد و شمار کو چھو لیا۔ یہ پروجیکٹ کی تاریخ میں سات ہزار ایم یو پیداوار کا دوسرا تیز ترین ریکارڈ ہے۔ اس سے قبل یہ ریکارڈ 26 جنوری 2025 کو بنایا گیا تھا جسے اب عبور کر لیا گیا ہے۔ ایس جے وی این کے ترجمان نے پیر کو یہ جانکاری دی۔

دریائے ستلج پر مبنی ناتھپا- جھاکڑی پروجیکٹ ہماچل پردیش کے ساتھ ساتھ شمالی ہندوستانی گرڈ کی توانائی کی ضروریات کو پورا کرنے میں اہم کردار ادا کرتا ہے۔ 1,500 میگاواٹ کی صلاحیت والا یہ پروجیکٹ طویل عرصے سے ملک کے سب سے قابل اعتماد پن بجلی پروجیکٹ میں سے ایک سمجھا جاتا ہے۔ سات ہزار ملین یونٹ کی پیداوار کے اعداد و شمار کو اہم سمجھا جاتا ہے کیونکہ یہ پروجیکٹ کی تکنیکی کارکردگی، مشینری کی دستیابی اور آپریشنل طاقت کی عکاسی کرتا ہے۔

پروجیکٹ کی تاریخ میں سب سے تیز رفتار پیداوار کا ریکارڈ، سات ہزار ملین یونٹس، 4 جنوری 2012 کو حاصل کیا گیا، جب اس پروجیکٹ نے اپنی اب تک کی سب سے زیادہ سالانہ بجلی کی پیداوار ریکارڈ کی۔ موجودہ کامیابی کو اسی روایت کے تسلسل کے طور پر دیکھا جا رہا ہے۔

ایس جے وی این کے چیئرمین اور منیجنگ ڈائریکٹر بھوپیندر گپتا نے اس موقع پر خطاب کرتے ہوئےکہا کہ یہ ریکارڈ ناتھپا -جھاکڑی ٹیم کے عزم، نظم و ضبط اور بہترین کام کی ثقافت کا نتیجہ ہے۔ انہوں نے امید ظاہر کی کہ یہ پروجیکٹ مستقبل میں بھی اچھی کارکردگی کا مظاہرہ کرتا رہے گا۔ اس دوران ڈائریکٹر (پرسنل) اجے کمار شرما نے اس کامیابی کا سہرا تنظیم کی اجتماعی صلاحیتوں اور مختلف محکموں کے درمیان بہترین تال میل کو قرار دیا۔

پروجیکٹ لیڈر راجیو کپور نے اس کامیابی کے لیے وزارت بجلی، حکومت ہند، مرکزی بجلی اتھارٹی، حکومت ہماچل پردیش، اور شملہ اور کنور ضلع انتظامیہ کا شکریہ ادا کیا۔ انہوں نے کہا کہ یہ کامیابی او اینڈ ایم ، پاور ہاو¿س اور ناتھپا کی ٹیموں کی مسلسل کوششوں اور ٹیم ورک کا نتیجہ ہے۔

ہندوستھان سماچار

ہندوستان سماچار / محمد شہزاد