بابائے قوم عبدالقیوم انصاری کو بھارت رتن دینے اور یومِ بنکر منانے کا مطالبہنئی دہلی گیا،19جنوری(ہ س)۔

شہر کے علی گنج روڈ نمبر 10 پر آل انڈیا عبدالقیوم انصاری وچار منچ کے زیرِ اہتمام بابائےقوم عبدالقیوم انصاری کی 53ویں برسی عقیدت و احترام کے ساتھ منائی گئی۔ اس موقع پر منچ کے قومی صدر ترغیب عالم انصاری نے خطاب کرتے ہوئے کہا کہ پسماندہ سماج میں سیاسی بیداری کی شدید کمی ہے، جسے دور کرنے کے لیے سماج کو منظم ہونا ہوگا۔ انہوں نے کہا کہ وہ زندگی کی آخری سانس تک پسماندہ سماج کی خدمت کرتے رہیں گے۔

ترغیب عالم انصاری نے کہا کہ پسماندہ طبقے کو برابری کا حق وزیر اعلیٰ نتیش کمار نے دیا ہے، اب ضرورت اس بات کی ہے کہ منظم ہو کر اپنے جائز حقوق حاصل کیے جائیں۔ انہوں نے سماج کے لوگوں سے اپیل کی کہ وہ بابائے قوم عبدالقیوم انصاری کے بتائے ہوئے راستوں پر چلیں۔ انہوں نے کہا کہ ہماری قوم آبادی کے لحاظ سے بڑی ہے، اس کے باوجود اسے نظر انداز کیا جا رہا ہے۔ سماج کا کوئی مضبوط پلیٹ فارم نہیں ہے، نوجوانوں کی طاقت اور بزرگوں کی رہنمائی سے متحد ہو کر اپنے حقوق کی جدوجہد کرنی ہوگی۔ انہوں نے عزم ظاہر کیا کہ دو برس کے اندر انصاری وچار منچ کو اتنا مضبوط بنایا جائے گا جتنا قیوم انصاری کے دور میں مومن کانفرنس ہوا کرتی تھی۔

ترغیب انصاری نے بابائےقوم عبدالقیوم انصاری? کی قربانیوں اور اصولوں پر روشنی ڈالتے ہوئے حکومتِ ہند سے مطالبہ کیا کہ انہیں بھارت رتن سے نوازا جائے۔ انہوں نے کہا کہ پٹنہ کے ہینڈلوم بھون کا نام عبدالقیوم انصاری بھون رکھا جانا چاہیے اور حکومت سے اپیل کی کہ قیوم انصاری کی یومِ پیدائش یا یومِ وفات کو ”یومِ بنکر“ کے طور پر منایا جائے۔

اس پروگرام کی صدارت اور نظامت منچ کے صدر محمد ترغیب عالم انصاری نے کی۔ اس موقع پر جنرل سیکریٹری محمد عالمگیر انصاری، ایڈووکیٹ بریندر کمار سنگھ، اعجاز انصاری، صابر علی، سرفراز علی، مضمل حسین، جمال الدین انصاری، صلاح الدین انصاری، سرفراز قمر انذارانصاری، پرویز عالم، زاہد انصاری اس موقع پر سالانہ کیلنڈر کا بھی رسم اجرا کیا گیا، اس تعزیتی نشست میں دیگر افراد نے بابائے قوم عبدالقیوم انصاری کی حیات و خدمات پر روشنی ڈالی اور سماج کی ترقی پر اپنے خیالات کا اظہارکیا۔

ہندوستھان سماچار

ہندوستان سماچار / Md Owais Owais