نئی دہلی، 17 جنوری (ہس): ۔

پی ایم وشوکرما ہاٹ 2026 کا انعقاد کیا جائے گا۔یہ نمائش جن دلی ہاٹ، آئی این اے، نئی دہلی میں 18 سے 31 جنوری تک منعقد ہوگی۔ اس نمائش کا افتتاح مرکزی وزیر برائے مائیکرو، اسمال اینڈ میڈیم انٹرپرائزز جیتن رام مانجھی اتوار 18 جنوری کو کریں گے۔

مائیکرو، اسمال اور میڈیم انٹرپرائزز کی وزارت نے ہفتے کے روز اعلان کیا کہ یہ پروگرام دہلی ہاٹ، آئی این اے، نئی دہلی میں 18 سے 31 جنوری تک منعقد ہوگا۔ اس کا افتتاح مرکزی وزیر جیتن رام مانجھی اور ایم ایس ایم ای کی وزیر مملکت شوبھا کرندلاجے کریں گے۔ اس نمائش میں ملک بھر کی ریاستوں اور مرکز کے زیر انتظام علاقوں کے 117 سے زیادہ کاریگر حصہ لیں گے۔ پردھان منتری وشوکرما یوجنا کے تحت منعقد کی گئی یہ نمائش صبح 10:30 بجے سے رات 10:00 بجے تک عوام کے لیے کھلی رہے گی۔

وزارت نے کہا کہ پی ایم وشوکرما ہاٹ کا مقصد ہندوستان کے روایتی دستکاری کے بھرپور ورثے کا جشن منانا اور اس کی نمائش کرنا ہے اور دستکاروں کو ایک منفرد پلیٹ فارم فراہم کرنا ہے تاکہ وہ اپنے ہاتھ سے بنی ہوئی مصنوعات کو قومی اور بین الاقوامی خریداروں، اسٹیک ہولڈرز اور عام لوگوں کے سامنے پیش کر سکیں۔

یہ نمائش روایتی دستکاری، لائیو کرافٹ ڈیمو، اور ثقافتی تجربات کی ایک وسیع رینج کی نمائش کرے گی، جو وشوکرما کا ابھیان، وکست بھارت کا نرمان کے جذبے کی عکاسی کرتی ہے۔ پی ایم وشوکرما ہاٹ 2026 کاریگروں کو بااختیار بنانے، روایتی مہارتوں کو محفوظ رکھنے اورایم ایس ایم ای ماحولیاتی نظام کو مضبوط بنانے کے لیے حکومت ہند کے عزم کو مزید تقویت دیتا ہے۔

ہندوستھان سماچار

ہندوستان سماچار / عطاءاللہ