لوٹ مار کا مطلوب ملزم گرفتارکٹیہار، 16 جنوری (ہ س)۔ ضلع کے سیما پور تھانہ پولیس نے جمعہ کے روز لوٹ مار کے معاملے میں مطلوب ایک مفرور مجرم کو گرفتار کیا ہے اور اسے عدالتی تحویل میں بھیج دیا۔ گرفتار بدمعاش نے آئی آئی ایف ایل کے ایک ملازم کو بندوق سے دھمکی دی تھی اور سیما پور تھانہ علاقے میں 65,169 روپئے لوٹ کر فرار ہوگیا تھا۔ پولیس نے بتایا کہ گرفتار بدمعاش سلام الدین ولد جلیل انصاری، بادی کجرا، براری تھانہ (سیما پور) ضلع ، کٹیہار کا رہنے والاہے اور اس پر 15,000 روپے کا انعام تھا۔سپرنٹنڈنٹ آف پولیس کی ہدایات پر تشکیل دی گئی خصوصی چھاپہ مار ی ٹیم نے سائنسی تحقیقات اور انسانی معلومات کی بنیاد پر بدمعاش کو کجرہ موڑ کے قریب سے گرفتار کیا۔ اس کے پاس سے ایک دیسی ساختہ پستول، ایک زندہ کارتوس اور ایک موبائل فون برآمد ہوا۔گرفتار بدمعاش کے خلاف سیما پور تھانہ میں پہلے ہی کئی مقدمات درج ہیں۔ وہ کئی برسوں سے جرائم کی دنیا میں سرگرم تھا اور پولیس کو اس کے خلاف متعدد شکایات موصول ہوئی تھیں۔پولیس نے بتایا کہ اس معاملے کے سلسلے میں چار دیگر بدمعاشوں کو پہلے ہی گرفتار کرکے عدالتی تحویل میں بھیج دیا گیا ہے۔ پولیس اس معاملہ میں ملوث دیگر بدمعاشوں کی تلاش کر رہی ہے۔ہندوستھان سماچار

ہندوستان سماچار / Mohammad Afzal Hassan