واشنگٹن ،15جنوری (ہ س )۔
وینزویلا کے صدر نکولس مادورو کی گرفتاری کے بعد امریکہ نے باضابطہ طور پر وینزویلا کے تیل کی فروخت شروع کردی ہے۔خبر رساں اداروں کے مطابق امریکی انتظامیہ کے ایک اہلکار نے بتایا کہ امریکہ نے وینزویلا کے تیل کی 500 ملین ڈالر کی اپنی پہلی فروخت مکمل کر لی ہے۔امریکی عہدیدار نے بتایا کہ آنے والے دنوں اور ہفتوں میں وینزویلا کے تیل کی اضافی فروخت متوقع ہے۔
گزشتہ ماہ امریکہ نے وینزویلا پر حملہ کرتے ہوئے صدر نکولس مادورو اور ان کی اہلیہ کو گرفتار کرکے نیویارک کی جیل منتقل کردیا تھا۔
امریکی صدر ڈونالڈ ٹرمپ نے واضح کہا تھا کہ وہ وینزویلا کے تیل کے وسیع ذخائر کو استعمال کرنے کا ارادہ رکھتے ہیں۔امریکی صدر ڈونالڈ ٹرمپ نے کہا کہ وہ وینزویلا کے تیل کی تباہ شدہ صنعت کی تعمیرنو کے لیے سرمایہ کاری کریں گے۔
ہندوستھان سماچار
ہندوستان سماچار / عطاءاللہ
15 Jan 2026
