ناندیڑ، 14 جنوری (ہ س)۔ ناندیڑ کے وارڈ نمبر 1 میں منگل کی رات کانگریس امیدوار کے شوہر پر تلوار سے حملہ کیے جانے کا واقعہ سامنے آیا ہے، تاہم متاثرہ شخص حاضر دماغی کے باعث محفوظ رہا۔ حملہ آور واردات کے بعد ایک بیگ لے کر فرار ہو گئے، جس سے پولیس کے سامنے واقعے کی نوعیت پر سوال کھڑے ہو گئے ہیں۔ شنکر نگر علاقے میں کانگریس امیدوار سریکا بھالے راؤ کے شوہر شواجی بھالے راؤ اپنے مکان کے باہر کرسی پر بیٹھے تھے، جبکہ ان کے قریب ایک بیگ رکھا تھا جس میں ایک مہمان کے کپڑے موجود تھے۔ اسی دوران تین دو پہیہ گاڑیوں پر سوار چھ نوجوان اچانک وہاں پہنچے۔نامعلوم افراد نے شواجی بھالیراؤ پر تلوار سے حملہ کرنے کی کوشش کی، مگر انہوں نے فوراً کرسی اٹھا کر خود کو بچا لیا۔ اس دوران حملہ آور بیگ اٹھا کر موٹر سائیکلوں پر سوار ہو کر موقع سے فرار ہو گئے۔فرار کے وقت حملہ آوروں کی تصاویر علاقے میں لگے سی سی ٹی وی کیمرے میں قید ہو گئیں۔ اطلاع ملتے ہی پولیس نے آس پاس کے علاقوں میں ناکہ بندی نافذ کی اور بعد ازاں وہ بیگ ایک دوسرے مقام سے برآمد کر لیا گیا، جس میں صرف کپڑے پائے گئے۔ واقعے کے بعد کانگریس کے رکن پارلیمنٹ رویندر چوان شواجی بھالیراؤ سے ملاقات کے لیے ان کے گھر پہنچے۔ پولیس دیر رات تک مقدمہ درج کرنے کے عمل میں مصروف رہی اور اس بات کی تفتیش کر رہی ہے کہ آیا یہ واقعہ جان لیوا حملے کی کوشش تھا یا ڈکیتی کا معاملہ، کیونکہ ملزمان بیگ لے کر فرار ہوئے تھے۔

ہندوستھان سماچار

--------------------

ہندوستان سماچار / جاوید این اے