کولکاتہ، 13 جنوری (ہ س)۔

مغربی بنگال کی وزیر اعلیٰ ممتا بنرجی نے منگل کو الزام لگایا کہ ریاست میں خصوصی نظرثانی (ایس آئی آر) کے عمل کے دوران یکطرفہ طور پر اور الیکٹورل رجسٹریشن آفیسرز (ای آر او) کے اختیارات کا غلط استعمال کرتے ہوئے 54لاکھو ناموں کو ڈرافٹ ووٹر لسٹ سے ہٹا دیا گیا۔

ریاستی سکریٹریٹ، نبنا میں ایک پریس کانفرنس سے خطاب کرتے ہوئے، وزیر اعلیٰ نے دعویٰ کیا کہ حذف کیے گئے ووٹروں کی ایک بڑی تعداد حقیقی ووٹرز تھی، جنہیں حذف کرنے کی وجوہات کے بارے میں نہ تو مطلع کیا گیا تھا اور نہ ہی انہیں اپنا رخ پیش کرنے کا موقع دیا گیا ۔

وزیر اعلیٰ نے الزام لگایا کہ دہلی میں مقیم الیکشن کمیشن نے بھارتیہ جنتا پارٹی (بی جے پی) کے تیار کردہ مصنوعی ذہانت (اے آئی) پر مبنی ٹولز کا استعمال کرتے ہوئے ناموں کو ہٹا دیا۔ ان کے مطابق، ان اے آئی سافٹ ویئر نے ایس آئی آر ڈیٹا میں تضادات کی نشاندہی کر کے بہت سے ووٹروں کے ناموں کو حذف کر دیا۔ انہوں نے کہا کہ شادی کے بعد کنیت تبدیل کرنے والی خواتین کے نام بھی اس عمل میں ہٹا دیے گئے۔

ممتا بنرجی نے کہا کہ لاجیکل ڈسکریپینسی اصل ایس آئی آر تصدیقی عمل کا حصہ نہیں تھے اور حذف کرنے کی تعداد بڑھانے کے لیے بعد میں شامل کیے گئے تھے۔ انہوں نے الزام لگایا کہ بی جے پی-الیکشن کمیشن گٹھ جوڑ حتمی ووٹر لسٹ سے مزید 10 کروڑ ناموں کو ہٹانے کا منصوبہ بنا رہا ہے۔

وزیر اعلیٰ ، جو ترنمول کانگریس کی سربراہ بھی ہیں، نے یہ بھی الزام لگایا کہ الیکشن کمیشن نے بی ایل اے-2 کے نمائندوں کو سماعت میں شرکت کی اجازت نہیں دی کیونکہ بی جے پی اپنے کارکنوں کی مناسب تعداد کو جمع نہیں کرسکی۔

پورے معاملے میں شفافیت کی کمی کا الزام لگاتے ہوئے، انہوں نے کہا کہ ان کی پارٹی جمہوری عمل کو نقصان پہنچانے کی اس طرح کی کوششوں کی سختی سے مخالفت کرے گی۔

ہندوستھان سماچار

ہندوستان سماچار / عطاءاللہ