سرینگر، 12 جنوری( ہ س) شمالی کشمیر کے بانڈی پورہ ضلع میں دیر رات 62 ویں بٹالین کے کیمپ کی ایک بیرک میں آگ لگنے سے بارڈر سیکورٹی فورس (بی ایس ایف) کے ایک کانسٹیبل کی موت ہو گئی۔ ایک اہلکار نے بتایا کہ یہ واقعہ بانڈی پورہ کے مڈار علاقے میں پیش آیا، جہاں آگ نے بیرک کو اپنی لپیٹ میں لے لیا، جس سے ڈھانچہ مکمل طور پر جل گیا۔ اس وقت اندر موجود کانسٹیبل کو بچایا نہیں جا سکا اور وہ جھلس کر جاں بحق ہو گیا۔ بعد ازاں لاش کو طبی قانونی کارروائیوں کے لیے ضلع اسپتال بانڈی پورہ منتقل کیا گیا، جس کے بعد اسے اس کے آبائی مقام پر روانہ کیا جائے گا۔ مرنے والے کی شناخت پنجاب کے جالندھر کے رہنے والے رمیش کمار کے طور پر ہوئی ہے۔ حکام نے واقعے کا نوٹس لے لیا ہے۔ہندوستھان سماچار

ہندوستان سماچار / Aftab Ahmad Mir