نئی دہلی، 6 دسمبر (ہ س)۔ ہندوستانی نشانے باز زوراور سنگھ سندھو کو جمعہ کو دوحہ، قطر میں منعقدہ ایک پول میں آ ئی ایس ایس ایف پیپلز چوائس مینز ایتھلیٹ آف دی ایئر 2025 منتخب کیا گیا۔ زوراور نے اس سال ایتھنز میں شاٹگن ورلڈ چیمپیئن شپ میں ٹریپ ایونٹ میں کانسے کا تمغہ جیتا تھا، جس نے 18 سال میں اپنی پہلی انفرادی پوڈیم ختم کی۔
48 سالہ زوراور کایہ تمغہ ہندوستان کے لئے اس ایونٹ میں تیسرا انفرادی عالمی چیمپئن شپ کا تمغہ ہے۔ان سے پہلے منوجیت سنگھ سندھو (گولڈ، 2006) اور کرنی سنگھ (سلور، 1962) یہ کامیابی حاصل کر چکے ہیں۔
2023 ایشین گیمز کے گولڈ میڈلسٹ زوراور نے عالمی سروے میں اپنے ساتھی اور سابق عالمی چیمپئن رودرانکش پاٹل کو شکست دے کر یہ اعزاز اپنے نام کیا۔
خواتین کے زمرے میں جینٹ ہیگ ڈویسٹاڈ ، جو50میٹر رائفل 3 پوزیشنز کی موجودہ عالمی چیمپئن ہیں، نے وومنز رائفل ایتھلیٹ آف دی ایئر اور پیپلز چوائس ویمنز ایتھلیٹ دونوں ایوارڈز جیتے۔ وہیں ، ان کے ساتھی جان -ہرمن ہیگ کو مینز رائفل ایتھلیٹ آف دی ایئر قرار دیا گیا۔
آئی ایس ایس ایف ایتھلیٹ آف دی ایئر 2025: فاتحین کی فہرست
مینزرائفل ایتھلیٹ آف دی ایئر: جان ہرمن ہیگ (ناروے)
وومنز رائفل ایتھلیٹ آف دی ایئر: جینٹ ہیگ ڈویسٹاڈ (ناروے)
مینزپسٹل ایتھلیٹ آف دی ایئر: ہو کائی (چین)
وومنز پسٹل ایتھلیٹ آف دی ایئر: سن یوجی (چین)
مینز شاٹگن ایتھلیٹ آف دی ایئر: ونسنٹ ہینکوک (امریکہ)
وومنز شاٹگن ایتھلیٹ آف دی ایئر: سامنتھا سیمانٹن (امریکہ)
پیپلز چوائس مینز ایتھلیٹ آف دی ایئر: زوراور سنگھ سندھو (بھارت)
ہندوستھان سماچار
ہندوستان سماچار / محمد شہزاد
