نئی دہلی، 5 دسمبر (ہ س)۔ اقتصادی محاذ پر ایک اچھی خبر ہے۔غیر ملکی زرمبادلہ کے ذخائر میں مسلسل دوسرے ہفتے کمی واقع ہوئی ہے۔ 28 نومبر کو ختم ہونے والے ہفتے کے دوران ملک کے زرمبادلہ کے ذخائر 1.88 ارب ڈالر کم ہو کر 686.23 ارب ڈالر رہ گئے۔
ریزرو بینک آف انڈیا (آر بی آئی) کی طرف سے جمعہ کو جاری کردہ اعداد و شمار میں بتایا گیا کہ 28 نومبر کو ختم ہونے والے ہفتے میں ملک کے غیر ملکی زرمبادلہ کے ذخائر 1.88 ارب ڈالر کم ہو کر 686.23 ارب ڈالر رہ گئے۔ گزشتہ ہفتے زرمبادلہ کے کل ذخائر 4.47 ارب ڈالر کم ہو کر 688.10 ارب ڈالر رہ گئے تھے۔ اعداد و شمار کے مطابق 28 نومبر کو ختم ہونے والے ہفتے میں غیر ملکی کرنسی کے اثاثے جو کہ زرمبادلہ کے ذخائر کا اہم جزو ہے، 3.57 ارب ڈالر کی کمی کے ساتھ 557.03 ارب ڈالر رہ گئے۔ آر بی آئی کے مطابق اس مدت کے دوران سونے کے ذخائر کی قیمت بھی 1.61 ارب ڈالر بڑھ کر 105.79 ارب ڈالر ہو گئے ۔
اس کے علاوہ 28نومبر کو ختم ہونے والے ہفتے میں، خصوصی ڈرائنگ رائٹس (ایس ڈی آر) 6.3 کروڑ ڈالر بڑھ کر 18.63 ارب ڈالر رہ ے۔ انٹرنیشنل مانیٹری فنڈ (آئی ایم ایف) کے پاس ہندوستان کے ذخائر بھی 1.6 کروڑ ڈالر بڑھ کر 4.77 ارب ڈالر ہو گئے۔
ہندوستھان سماچار
ہندوستان سماچار / محمد شہزاد
