ووٹر لسٹ کی حتمی اشاعت 06 مارچ 2026 کو کی جائے گی۔

لکھنؤ، 30 دسمبر (ہ س)۔ اتر پردیش میں اسپیشل انٹینسیو ریویژن (ایس آئی آر) کی آخری تاریخ بڑھا دی گئی ہے۔ چیف الیکٹورل آفیسر نودیپ رِنوا کے مطابق ووٹر لسٹ کے مسودے کی اشاعت کو ملتوی کر دیا گیا ہے۔ کمیشن کے مطابق اب ڈرافٹ ووٹر لسٹ 6 جنوری 2026 کو جاری کی جائے گی جبکہ حتمی فہرست 6 مارچ 2026 کو جاری کی جائے گی۔

اتر پردیش کے چیف الیکٹورل آفیسر نودیپ رنوا کے مطابق، الیکشن کمیشن آف انڈیا نے 1 جنوری 2026 کی اہلیت کی تاریخ کی بنیاد پر ریاست میں جاری اسپیشل انٹینسیو ریویژن (ایس آئی آر) کی اعلان کردہ تاریخوں میں ترمیم کرکے نئی تاریخیں جاری کی ہیں۔ نظر ثانی شدہ تاریخوں کے مطابق، ووٹر لسٹ کے مسودے کی اشاعت اب 6 جنوری کو ہوگی۔ اس پر اعتراضات 6 جنوری سے 6 فروری 2026 تک مقرر کیے گئے ہیں۔ نوٹس کا مرحلہ، فارموں کی گنتی پر فیصلہ اور دعووں اور اعتراضات کو نمٹانا 6 جنوری سے 27 فروری 2026 تک کیا جائے گا۔ اتر پردیش کی ووٹر لسٹ کی حتمی اشاعت 6 مارچ 2026 کو کی جائے گی۔

---------------

ہندوستان سماچار / عبدالسلام صدیقی