مشرقی چمپارن، 28 دسمبر (ہ س)۔ ضلع ہریا تھانہ علاقہ میں پولیس نے بڑی کارروائی کرتے ہوئے 83 کلو گانجہ کے ساتھ ایک پک اپ گاڑی کو ضبط کیا ہے۔ اس دوران پولیس نے ایک نوجوان کو حراست میںلیا ہے۔یہ کارروائی ضلع پولیس کیپٹن سورن پربھات کی ہدایت پر کی گئی۔ پولیس کو خفیہ اطلاع ملی کہ پک اپ گاڑی میں چرس کی بڑی کھیپ اسمگلنگ کی جارہی ہے۔ اطلاع ملنے پر سب ڈویژنل پولیس افسر منیش آنند کی قیادت میں ایک خصوصی ٹیم تشکیل دی گئی۔اس ٹیم میں ہریا تھانہ انچارج کشن کمار پاسوان، سب انسپکٹر دیانند پاسوان، کانسٹیبل پنٹو کمار نشاد اور بی ایچ جی دنیش کمار اور وکاس پٹیل شامل تھے۔ پولیس ٹیم نے تیزی سے کام کرتے ہوئے آئی سی پی روڈ پر اوور برج کے قریب پک اپ گاڑی نمبر بی آر 01جے ڈی 2907کو روک کر تلاشی لی۔ تلاشی کے دوران گاڑی کے تہہ خانے میں چھپائی گئی 82 کلو 960 گرام چرس برآمد ہوئی۔اس معاملے میں انشو کمار گپتا ولد للن پرساد ساکن رانی گھاٹ وارڈ نمبر 11 بیر گنج نیپال کو حراست میں لیا گیا ہے۔ حراست میں لیے گئے نوجوان نے دوران تفتیش انکشاف کیا کہ پک اپ اسے کسی نامعلوم شخص نے دی تھی۔پولیس فی الحال ملزم سے وسیع تر پوچھ گچھ کر رہی ہے اور یہ جاننے کی کوشش کر رہی ہے کہ اس اسمگلنگ میں اور کون کون ملوث ہے۔ پولیس کو شبہ ہے کہ اس معاملے میں بین ریاستی اور بین الاقوامی سمگلنگ نیٹ ورک ملوث ہو سکتا ہے۔ مزید تفتیش جاری ہے۔

ہندوستھان سماچار

ہندوستان سماچار / Mohammad Afzal Hassan