بلدیاتی انتخابات میں مہایوتی کی شاندار جیت، بی ایم سی اور 28 کارپوریشن انتخابات کی پیش گوئی : فڑنویس

ناگپور، 22 دسمبر(ہ س)۔ مہاراشٹر

کے وزیر اعلیٰ دیویندر فڑنویس نے ناگپور میں خطاب کرتے ہوئے کہا کہ بلدیاتی اداروں

کے انتخابات میں مہایوتی کی زبردست کامیابی آنے والے بی ایم سی اور دیگر 28 میونسپل

کارپوریشن انتخابات کا پیش خیمہ ہے۔ انہوں نے کہا کہ 15 جنوری 2026 کو ہونے والے

ان انتخابات میں بھی اسی رجحان کے نتائج سامنے آئیں گے۔

فڑنویس

نے کہا کہ نگر پنچایت اور نگر پریشد انتخابات میں بی جے پی کی کامیابی ایک ٹریلر

ہے، جو آنے والے بڑے انتخابات کی تصویر پیش کرتی ہے۔ انہوں نے کہا کہ مہایوتی نے

جہاں کامیابی حاصل کی ہے وہاں بھی اور جہاں کامیاب نہیں ہو سکی وہاں بھی ترقیاتی

کاموں کو ترجیح دی جائے گی۔

انہوں

نے کہا کہ عوام نے مہایوتی حکومت کے ترقیاتی اور شفاف طرز حکمرانی پر مہر ثبت کی

ہے۔ ان کے مطابق یہ اعتماد اس بات کا ثبوت ہے کہ عوام اچھی حکمرانی اور ترقی کو

ترجیح دے رہے ہیں۔

وزیر

اعلیٰ نے کہا کہ بی جے پی نے 2014 کے بعد شہری علاقوں سے آگے بڑھ کر دیہی علاقوں میں

بھی اپنی بنیاد مضبوط کی ہے۔ 2024 کے لوک سبھا انتخابات میں نقصان کے باوجود پارٹی

کا ووٹ بینک برقرار رہا، جو عوامی اعتماد کی علامت ہے۔

فڑنویس

نے بتایا کہ ریاست میں بلدیاتی نتائج کے بعد بی جے پی سب سے بڑی پارٹی بن کر ابھری

ہے، جہاں 129 میئر بی جے پی سے منتخب ہوئے ہیں اور مجموعی طور پر 75 فیصد میئر مہایوتی

اتحاد کے ہیں۔ ناگپور ضلع میں 27 میں سے 22 میونسپل کونسلوں پر بی جے پی نے کامیابی

حاصل کی۔

انہوں

نے کہا کہ اس انتخاب میں مہا وکاس اگھاڑی کو سخت دھچکا پہنچا ہے اور کئی مقامات پر

اپوزیشن کے مضبوط مراکز ختم ہو چکے ہیں۔ فڑنویس نے اس کامیابی کا سہرا پارٹی

کارکنان کو دیتے ہوئے کہا کہ اصل جیت انہی کی محنت، نظم و ضبط اور مسلسل جدوجہد کا

نتیجہ ہے۔

ہندوستھان

سماچار

ہندوستان سماچار / جاوید این اے