نئی دہلی، 20 دسمبر (ہ س)۔ انفورسمنٹ ڈائریکٹوریٹ (ای ڈی) نے ہفتہ کو صنعتکار انل امبانی کے بیٹے جئے انمول امبانی سے بینک قرض فراڈ سے متعلق منی لانڈرنگ کیس میں مسلسل دوسرے دن پوچھ گچھ کی۔سرکاری ذرائع نے بتایا کہ انیل امبانی کے 34 سالہ بیٹے انمول کا بیان منی لانڈرنگ کی روک تھام کے قانون (پی ایم ایل اے) 2002 کے تحت جمعہ کو پہلی بار ریکارڈ کیا گیا اور آج بھی پوچھ گچھ جاری رہی۔ تاہم، ریلائنس انیل دھیرو بھائی امبانی گروپ نے ابھی تک اس پیش رفت پر کوئی تبصرہ نہیں کیا ہے۔ ذرائع نے بتایا کہ ای ڈی کی یہ جانچ یس بینک سے متعلق ہے۔ بینک کی ریلائنس انل دھیرو بھائی امبانی گروپ میں 31 مارچ 2017 تک تقریباً 6,000 کروڑ روپے کی سرمایہ کاری تھی، جو ایک سال کے اندر بڑھ کر تقریباً 13,000 کروڑ روپے تک پہنچ گئی۔ ان کمپنیوں میں ریلائنس ہوم فائیننس لمیٹڈ اور ریلائنس کمرشیل فائیننس لمیٹڈ شامل تھے۔

غور طلب ہے کہ انفورسمنٹ ڈائریکٹوریٹ (ای ڈی) نے ریلائنس گروپ کی کمپنیوں کے مبینہ بینک لون فراڈ کیس کے سلسلے میں انیل امبانی سے بھی پوچھ گچھ کی ہے۔ ای ڈی کا الزام ہے کہ ان سرمایہ کاری کا ایک’اہم‘ حصہ غیر کارکردگی والی سرمایہ کاری میں بدل گیا، جس کے نتیجے میں بینک کو تقریباً 3,300 کروڑ کا نقصان ہوا۔

ہندوستھان سماچار

ہندوستان سماچار / Mohammad Khan